________________
પ્રસ્તાવના
આ પ્રાચીન સ્તવનાવલી અગાઉ રતીલાલ માસ્તરે પ્રકાશીત કરી હતી પરંતુ તે વર્તમાનકાળને વિષે અલભ્ય થવાથી પુનઃપ્રકાશિત કરેલ છે. આ સ્તવનાવલીમાં આનંદઘનજી, દેવચંદ્રજી, યશોવિજયજી, પદ્મવિજયજી અને અન્ય ઉપાધ્યાય ભગવંતોના પદો સંકલીત કરેલ છે. થોડા સમય પૂર્વે એક મહાત્માના મુખેથી વ્યાખ્યાન દરમિયાન સાંભળેલું કે લગભગ ૨૦૦ વર્ષ પૂર્વે થઈ ગયેલ મણિચંદ્રવિજયજીને વંદન કરવાને માટે ઈન્દ્ર મહારાજા વારંવાર આવતા હતા અને મણિચંદ્રવિજયજીના પૂછાવવાથી ઈન્દ્ર મહારાજા ભગવાન સિમંધરસ્વામીને પૂછીને જે જવાબ લાવ્યા તે પ્રમાણે આનંદઘનજી અને દેવચંદ્રજી વર્તમાનમાં મહાવિદેહ ક્ષેત્રને વિશે કેવળી તરીકે પ્રવર્તે છે. અને યશોવિજયજી મહારાજ દેવલોકમાં છે અને ત્યાંથી ચ્યવી બીજા જ ભવે મોક્ષ થશે.
આવા મહાન જ્ઞાની ધ્યાની આત્માઓની આ પદરચનાઓ લુપ્ત ન થઈ જાય અને ભવિક આત્માઓને સુલભ રહે તે આશયથી આ સ્તવનાવલીનું પુનઃમુદ્રણ કરાવેલ છે.
ધ્યાનયોગ આગમસાર છે અને તેને સુલભ બનાવનારી રચનાઓ અતિદુર્લભ છે. અને એવી ઉત્તમ રચનાઓનું મૂલ્ય કેવી રીતે આંકી શકાય? તેથી આ સ્તવનાવલીનું મૂલ્ય રાખેલ નથી.
