________________
ભક્તિયોગની મહાનતા
શ્રી વીતરાગ પ્રભુના ગુણનું દર્શન જીવનમાં વીતરાગતાનો ભાવ પેદા કરાવી સાચા વિતરાગી બનાવવા સમર્થભૂત છે. વિશ્વવંદ્ય શ્રી વીતરાગપ્રભુ સારાયે વિશ્વના માત-તાત-ભાત વિગેરે જે કાંઈ પદાર્થ છે તેના શિરમોર છે, તેમના હૃદયમાં ભાવના હોય ? “સવિ જીવ કરૂં શાસન રસી” આ ભાવનાદ્વારા જગતના તમામ જીવોને શાસનના રસીયા બનાવીને ઠેઠ વીતરાગી સુધી બનાવી દઉં. જ્યારે શ્રી વીતરાગ પરમાત્માના હૃદયમંદિરમાં આપણા સૌના માટેની આ ઉચ્ચ ભાવના વસેલી હોય તે વીતરાગના સેવકને હૃદયમાં શી ભાવના હોય ? - જેમણે અનંતકર્મોનો ક્ષય કરી ઘાતિ-અધાતિ બધા જ કમેને ખપાવી કેવલજ્ઞાન પામી આત્માને પરમાત્મદશા સુધી પહોંચાડનાર શ્રી વીતરાગના અનંતાનંત ગુણોનું દર્શન કરવું જેમ સહેલું નથી તેમ તેને શબ્દ દેહ આપીનેય પોતાના હૃદયોગાર ઠાલવવા એતો એથીય કપરું કામ છે. છતાંય મહાપુરૂષો પોતાનાં હૃદયની ભક્તિ, શક્તિ મુજબ કરીને વાચાને ધન્ય બાવી ગયા છે. - ભક્તિયોગની એજ મહાનતા છે કે જે આત્માને પરમ ઉન્નતિના શિખરો સર કરાવે. ભક્તિયોગમાં લીન બનેલો આત્મા નિચ્ચે પરમાત્મપદ સુધી પહોંચવાનું પરમ સામર્થ્ય ધરાવે છે.
શ્રી વીતરાગપ્રભુએ આત્માના ગુણપદાર્થ સિવાય જડમૂળમાંથી રાગ આદિ તમામ દોષોને જીવનમાંથી નષ્ટ ભ્રષ્ટ કરીને વીતરાગી બનવા સુધીની જે મંઝિલ
