________________
પ્રસ્તાવના
અનંતા સંસારમાં ભટકતાં ભટકતાં બહુ પુન્ય યોગે મનુષ્યનો ભવ મળ્યો અને અંતિમ લક્ષ્ય આરાધના-પુરુષાર્થ કરવાની તક મળી, પરંતુ જીવનમાં હરપળે જાત જાતનાં કર્મો ઉદયમાં આવે છે અને આ અમૂલ્ય જીવનનાં ઉદ્દાત લક્ષ્યો હાંસલ કરવામાં અવરોધરૂપ બને છે.
દુનિયામાં દુ:ખનાશ, સંકટનાશ, વિપ્ન શાંતિ આદિના રસ્તા બતાવનાર ઘણા છે. પરંતુ મોક્ષના લક્ષે પાપકર્મના નાશનું – કર્મક્ષયનું સાધન બતાવનાર અરિહંત પરમાત્મા છે. આ સાથે એક આલેખ જોડ્યો છે જેમાં એક નજરે, આઠેય કર્મની દરેક જીવની આજની સ્થિતિ, આવા કર્મબંધનાં કારણો અને નિદાન અને આઠેય કર્મો અને તેની ૧૫૮ ઉત્તર પ્રકૃત્તિથી મુક્ત થવાના – નિવારણના ઉપાયો દર્શાવ્યા છે. આ ઉપાયો ઉપરાંત કર્મનિવારણ માટે નવકારની આરાધના, નવકારના પદોની આરાધના, યોગ્ય જાપના અનુદાન, તપ, જપ, સુદ અને વદની ૧૦ તિથિની આરાધનાઓ, જીવદયાનાં કાર્યો, ગ્રહોના અને પિતૃઓના દોષ નિવારણ પ્રયોગો વગેરે ખૂબ ઉપયોગી થાય છે.
આ પુસ્તિકામાં પરમાત્માની અષ્ટપ્રકારી પૂજા કેવી રીતે આઠ કર્મનું નિવારણ કરે તેમજ અરિહંત પરમાત્માના આઠ પ્રાતિહાર્યનું ધ્યાન પણ આઠેય કર્મમાંથી કેવી રીતે મુક્તિ આપે તેની પ્રક્રિયા દર્શાવી છે. આ ઉપાયોથી ઘણા પરિચિત હશે, પરંતુ કર્મક્ષય માટેનું તેમનું યોગદાન ધ્યાનમાં નહીં હોય.
સાથે અઢાર પાપસ્થાનકની આપણી રોજિંદી પ્રવૃત્તિથી આ કર્મો કેવી રીતે બંધાય તે વિગતે દર્શાવ્યું છે. આ જાણકારી નવા કર્મબંધથી બચવા જાગૃતિપૂર્વક આવાં કર્મો બાંધવાની પ્રવૃત્તિથી દૂર રહેવામાં મદદ કરશે.
૨ : અંતિમ લક્ષ્ય કર્મક્ષય
