________________
भविसयत्तकहाए
परिणिय सा धणयत्तहो धूय गन्भेसरि नामेण संरूअ । पुण्णिमइंदरुंदससिवयणी दंतपंतिपहपहसियवयणी । सयलकलाकलावसंपुण्णी अहिणवलच्छि नाई अवइण्णी । बालमराललीलगइगामिणि सा किय णियपरिवारहो सामिणि । पियवल्लह जणमणु दुलालइ सुविहिए णियपरियणु परिपालइ । furusहरहो हु वडीवइ कमलहि पइपरिहवदुहु दावइ । नियसोहग्गु भोगु संपालइ विरहद्वग्गि अंगि पज्जालइ | जिणमंदिर वच्चइ सिंगारिं परिमियपउरजुवइपरिवारिं । घत्ता । अहिमाणमरद्दविसगइ अहिणवसिरिसोहग्गजुव ।
रणरणउं दिति पंकयसिरिहि भमई णयरि घणयन्तसुवं ॥ २ ॥ परियणि पियवयणिहिं जणु रंजइ गाहु विचित्तगुणेहिं अणुहुंजइ । जाणई पियमुह सुहवामोहणु मणि चिंतिउ सइ सुरयारोहणु । ललि ईसि ईसि अवरुंडणु अहरकवोलकंठउर खंडणू । मुह सिक्कारकणिरउर कंपणु सरहसु सलिलरमणसमप्पणु । कररुहपंतिपुलयपरिजंवणु पणयरोसमयरोसनिरुंभणु । वीणालावणिगेयपरिक्खणु कुडिलवियारि सरोसनिरिक्खणु । दिन्नपहर पडिपहरपडिच्छणु अलयगाहपडिगाहसमिच्छणु । विभमभावफुरियअहरेक्खणु मंदरायबहुरायवियक्वणु । पियपरिहासवासविहडावणु मयणुक्कोवणंगुपयडाचणु । बंधकरणवावारवियंभणु सुहकर फंससमय र सभणु । धत्ता | धणवइवि कामभोगंतरिउ ताहि माणु माणि धरइ ।
पियवयणकमलमयरंदरसु पंकई भ्रमरु जेम सरइ ॥ ३ ॥ ताहं विहिंमि गंजोलियगत्तहं हियइच्छिय विलास माणतः । रइरसवसवावारविणोएं केवि कूरग्गहसंजोएं | गन्भेसरिहि गन्भु संपजइ दुक्कियदुक्खनिहाणु व गज्जइ । जिम जिम रिउ सोणियजल थंभइ तिम तिम मणि रणरणउं वियंभइ । जिम जिम चउरंगई चउरंसइ तिम तिम खामोयरु विद्धंसइ । जिम जिम गन्भु लेइ सव्वंगई तिम तिम भंजइ तिवलि तरंगई ।
१४
१ B
वङ्कारइ
२ A य ३ B विरत्तगुणेहिं ४ B सलिलिङ ५ B सलिल
