________________
बावीसमो सन्धी।
घत्ता । तं गयउरि गंपि जाम निरिक्खहिं नयरछवि ।
सुहिसयणसयाहं एक्कुवि तहिं संताणि नवि ॥ ६ ॥ तं वरनयरु तंजि कुरुजंगलु सो महिविंदु तं जि महणइजलु । ताई पवर उजाणुपएसई ताई गिरिंदगहणउद्देसइं। ताई विचित्तपवरजिणभवणइ नवर ताइ दीसंति न सुअणइं । तो सुमरिवि चिरयालविलासई गय रुहुरुहिवि निवि चउपासहिं । तो चवणावसाणि हुउ मूलिं मउलिय मालणितिएवि पहचूलिं। तेयपण? विलंबियगत्ति किउ महंतु रुणुरुणउ चयंति । हा पुणरवि नरलोए वसिव्वउ दुत्तरगन्भुवासे निवसिव्वउ । अच्छइ देवलोइसुह रायहिं जं कीलिय मणचिंतिय रायहिं । अच्छउ जं अणुहविउ चवंतिहिं सुरसुंदरिविलास विलसंतिहिं । एवहिं आसु न काइंमि चंगउ पसरइ समइ मरणु आवग्गउ ।
एम वियप्पु करंतु विलोणउं तक्खणि दिहु पणटु विलीणउं । घत्ता । पहचूलु चएवि घरि गंधव्वनरेसरहो।
सुवसुंधरु नामु हउ नंदणु चक्केसरहो ॥७॥ बिण्णिवि रयणचूल हेमंगय सुवसुंघरहो पुत्त हुअ दुजय । नाम नंदिवड्डण सिरिवड्डण बेवि सिढिलकयकम्मनिबंधण । ताहं बिहिमि सिय रज्जु समप्पिवि सुवसुंधरु परलोउ वियप्पिवि । चरिमदेहु नियगुणिहिं अलंकिउ सिरिहरमुणिहि पासि दिक्खंकिउ । बहुकालिं महियलु विहरेप्पिणु घोर वीरु तव चरणु चरेप्पिणु । सुकज्झाणु आउरिवि निम्मलु उप्पाएवि नाणु तं केवलु। जो चिरुजम्मि कमलसिरि होतउ सो लोयावसाणु संपत्तउ । तेवि नंदिवड्डण सिरिवड्डण णियसंताणि करिवि संवड्डण ।
एक्कहिं दियहिं चालिय वणकीलए गयवरधरणसमुन्भडलीलइ । घत्ता । हिडंतिहिं तेहिं लक्खिउ इक्क जुवाण मउ ।
परिसेसियजूहु हरिणिहि गरुयासत्तियउ ॥८॥ सो हरिणिए सहुं कील करंतउ वाहिं हयउ ताएं संजुत्तउ। तं वइराउ तेवि मणि भाविवि णियणियणंदण णिवपइ थाविधि । बिण्णिवि सुहमसुहाइं चएप्पिणु मय सिवनयरि सरीरु मुएप्पिणु । भविसयत्तु पुणु सुरु हेमंगउ सिरिवडणु होएवि सिद्धिहिं गउ ।
