________________
भविसयत्तकहा
एवहिं अम्हई माउ विसाउ जामाइड तुहुं राउलउ जाउ । सिंगारु सिज्ज संपय विचित्त अणुहवउ कहविं दियहई सुमित्त । पुणु पच्छ होस अवर कावि अन्निं पिल्लिवी अन्न सावि । अह सुहय कासु निव्वहइ माणु पत्तियइ तुम्व जो सो अयाणु । धत्ता । अह जणि सुपहाणउं लोयाहाणडं कवणु इत्थु मणि आवलउ । अंबर परियंचिउ जइवि सुसिंचिउ तोवि नियाणि मुराउलउ ॥ १३ ॥ दुवई । तो कंदष्पदप्पमाहप्पें आलिंगिय किसोयरी |
९०
पुव्वक्कयसुकम्मित छज्जइ जं जं चवहि सुंदरी ॥
महु पुणु जइ अन्नहिं कहिंमि भाउ तो जिणधम्महो बाहिरउ जाउ । पई मिलिवि जइ अणुणउं सुमित्त तो मई चंदप्पहपायछित्त । अलिय परियडूहि काई माणु महु परियाणि पिए पई किउ समाणु । लब्भइ सहाय सम्माणु कोसु पणइणि परिणंत कवणु दोसु । जिम जिम बहु संपय होइ अम्ह तिम तिम वड्ढइ परिवारु तुम्ह । आलावहिं तेहिं पसन्न देवि पलंकि सरोसई थियइ बेवि । पणइणि पडिवज्जइ जेम जेम दरमलिय वियड्डि तेम तेम । रइ अणइच्छंत हुउ विहाणु परिगलिय रयणि उम्मिल्लु भाणु । धत्ता । एत्तहिंवि विडूइं विविहगुणड्डूइं पणयरोसु उवसंघरिउ ।
धणव सुहसेविए कमलाएविए पुणुवि पुव्वसुहसंधि कि ॥ १४ ॥ द्वादश: सन्धिः
चंद पहना हो केवलवाहहो पय पणविवि नियभुअजुइण । अक्खमि सुहिविंदो धीय नरिंदहो जिम परिणिय धणवइसुइण ॥ दुवई । सयलकलाकलाव सुनिउत्तहो पुत्तहो साणुराइणा । ras समिद्धु सम्माणिवि पुजिउ पुणुवि राहणा || वरकणयवीदु आसणु भणेवि बइसारिउ पच्चासन्नु देवि । अहो जं भडभिडि जोइओसि कुरुडहं खलखुद्दहं ढोइओसि । आएसिड जं महि आहणेवि लइ लेहु भरहु बंधहु भणेवि । तं महु म रुसिज्ज महाणुभाव तक्कालसरूविं होंति भाव । अह तुम्ह के लग्ग मलित पर दुप्पुत्तिं दुव्वसणि खित्तु ।
१ C adds इय भविसत्तकहाए पयडियधम्मत्थकाममोक्खाए बुधणवालकयाए पंचमिफलवण्णणाए भविसाणुरूकमला एवीगहआगमणवण्णणो णाम बारहमो सन्धी परिच्छेओ सम्मत्तो ॥
