________________
भविसयत्तकहाए
तहा देह सुस्सार मुग्गा यवत्ता नरा पावहो जेण भोया विचित्ता । घयं देइ नासाय पेयं पसत्थं न सो पावए किंपि भावेण दुत्थं । पुणो कचरा पप्पा दिन्नभेया जयं ताण को वन्नए दिव्वतेया । सुराईहिं दहिएहिं लित्तं पवित्तं वरं आमुरीयं सुहं देव दत्तं । वरासन्नणाचारु साहूण दाई नरो सो लहुं भोयभूमीहिं जाई । मुणीणं मणिहं गुडं सेयखंडं सया दितए भुंजए भोयखंडं । कसाबला तीवणा तिक्खसारा गुडेणं पि गाढा जईणं पियारा । सुहासेयमंडायखंडा सुअच्छा तुमं इच्छसी सग्गभोग्गाई बच्छा । गुणाघारिया लड्डुआ खीरखज्जा कसारं सुसारं सुहाली मणुना । ससत्तीए भत्तीए जो देइ दाया महीमूलसग्गम्मि सा होइ राया । कवित्था सुदक्खा महानालिएरा गुरू माहुलिंगा वरा पक्कसारा । सहारंवसंजायया भव्वअंबा अहो एवमाई करेविं अउव्वा । सुसाहूण जो देइ ए मच्चलोए न छड्डति पासं सया तस्स भोए । नरेणेच्छजुत्तं दहीयंपि खीरं दिढं निच्च जो देइ ताही सरीरं । रसं पायए इत्थ ए जो मुणीसं सुहं सेवए किन्नराणं असेसं । मुणीणं तहा पन्नया जेहिं दिन्ना सुकप्पूरधूवेण परेण भिन्ना । ओ तेहिं पाविज्जए किन्नराणं भमंतो नहे हिंडए सुरविमाणं । सुहा वच्चरा कोइलालावदाया सुहं पावए दिव्ववाणी सुवाया । जहा जेण दत्तं तहा तेण पत्तं इमं सुच्चए सिट्ठलोएण वृत्तं । सुपायन्नवा कोहवा जत्त माली कहं सो नरो पावए तत्थ साली । सिरीखंडकप्पूरएलाई दिन्ना मुहासुद्धिहे पोष्फला जेण दिन्ना । भवे तस्स वाया अलीमाणयारी सुरूवेण कामो सिरी कन्नधारी । भुजंगो बुहारंजणो नाम छंदो चिरं नंदओ गिहवरो दाणइंदो । धत्ता । एउ वुत्तउ तासु संपय जासु अन्नसभत्तिपमाणु निरुत्तउ ।
भणु भावि दिंत मुणिपयभत्तउ सग्गहो को न पहुत्तउ ॥ ३ ॥ दुवई । दसवि सुभोभूमिसुहु भुंजिवि सग्गिवि जाइ सम्मई । पुणु नरपवरु होइ वरदाणिं पावइ सिद्धिसंपइ ॥ सुअपंचमिउज्जवणउं भरेवि जिणपुज्जमहिम दाणई करेवि ।
१ B भोया पिगच्छा
८४
