________________
४८
भविसयत्तकहाए
घत्ता। न पयासिउ गुज्झु दूरवियप्पमहामइण । इत्तियइं कहेवि संधि समाणिय धणवणे ॥ २४ ॥
षष्ठः सन्धिः
ससिकंति ससिप्पहु परमजिणु पणविप्पिणु भावें एक्कमणु । पुणु कहमि कवडु दुन्नयभरिउ तहु खलबंधुयत्तहो चरिउ । भविसिं ते सयलवि सम्माणिवि नियकसमरहो संख परियाणिवि । जोइवि सई हत्थे संचालिय विजय लिहिय पयड संभालिय । सयलहं नियनामंकई दिन्नई वासणतुंडई करिवि पच्छन्नई। निबिडइं बहुबंधइ बहुमोल्लई कम्मरयहिं उक्खित्तइं चोल्लई । वहणहिं भंडारहिं संजवियई अंतरगुज्झपएसह ठवियई। तं पिक्खिवि गंजोल्लियगत्तहिं लोयहिं निवसहएसु वलंतहिं । दूरहाणु मुणिवि मणि झूरिउ पक्खहं कारणि सुटु विसूरिउ ।
होउ सुमंगल भविसनरेसहो चालिय जेण समुहं सहएसहो । घत्ता । नियजम्मभूमि सुमरंतइहिं दूरंतरु हियइ धरतियहिं ।
सहएसहो सवडम्मुह हुअहिं उम्माहउ किउ वणिवरसुवहिं ॥१॥ चवइ कोवि संभरिवि सएसहो मंच्छुड्डु होसइ च्छेउ किलेसहो । कोवि भणइं परिवद्धियमंगलु अजवि मित्त दूरि कुरुजंगलु। कोवि भणइं ओवाइय देसहं जइ दुत्तर मयरहरु नरेसहं । कोवि भणई भविसयत्तु सउन्नउं जा एसइ वहुसियसंपुन्नउं । एहु पुणु बंधुयत्तु सियवजिउ काइं कहेसई गंपि अलजिउ । घोसण देवि वणिज्जे आयउ नियमूलुवि दूरासिं खाइउ ।
कोवि भणइं लइ तुम्हि सवारहो बहुदुविरुडु बोल्लु अवहारहो। घत्ता । कोवि जंपइ च्छेयहो अप्पणउं मं करहु अणुज्जुअ जंपणउं ।
इउ बंधुयत्तु जइ संभलइ तो तुम्ह मिरिय मत्थइ दलइ ॥ २॥ इत्थंतरि सुमुहुत्तु समारिउ किउ चउक्कु चंदणु वडारिउ । पुज्जिय जलदेवय वित्थारिं पुप्फक्खयबलिदीवंगारिं ।
सहुँ लोयहिं आरूढु महानरु मुक्कबंध उच्चल्लिय मोग्गरु । १ Cadds इय भविसत्तकहाए पयडियधम्मत्थकाममोक्खाए वुहधणवालकयाए पंचमिफलवण्णणाए बंधुयत्ततिलयपुरप्पवेसभविसदत्तमेलापणं णाम छट्ठमो संधी परिच्छेओ सम्मतो।
