________________
૨૦
શ્રી દેવચંદ્રજી કૃત ચોવીશી ભાગ ૨ ગુણ આસ્વાદ હો પ્રભુ, ગુણ આસ્વાદ અભંગ, તન્મય હો પ્રભુ, તન્મયતાર્યો જે ધસે જી II ૬ ||
ગાથાર્થ - હે પરમાત્મા ! જ્યારથી તમને નિરખ્યા છે ત્યારથી જ તમારા નામનો રંગ મને લાગ્યો છે. તમારી સ્થાપના જોતાં જ મારૂ મન અતિશય ઉલ્લાસને પામ્યું છે. તમારા ગુણોને સાંભળવાથી જાણવાથી અભંગ એવો આસ્વાદ થયો છે અને મારો આત્મા પણ આવા ગુણોવાળો અર્થાત્ ગુણોની સાથે તન્મય બને તે દિશા તરફ આગળ ધપવા પ્રયત્ન કરે છે. || ૬ ||
વિવેચન - જેમ કોઈ એક અવિવાહિત કન્યા છે કે જેનું સગપણ થયું છે પરંતુ લગ્ન થયાં નથી. તેવી કન્યાનું મન પોતાના ભાવિ પતિ ઉપર મંડાયેલું હોય છે તેનું નામ ક્યાંય લેવાતું હોય તો ધ્યાન દઈને વાત બરાબર સાંભળે છે. તેના જીવનની કોઈ કંઈ વાત કરે તો કાન સાબદા કરીને બરાબર સાંભળે છે સારી વાત જાણીને પોતે પ્રસન્ન પ્રસન્ન થાય છે. શક્ય બને તો ટેકો પુરાવે છે. અને કોઈ નબળી વાત કરે તો પતિના ઘરનો પક્ષ લઈને વાતને તોડી નાખે છે. મુખમુદ્રા પલટી નાખે છે. તેની જેમ મને પણ પરમાત્માના નામનો અભૂત રંગ લાગ્યો છે.
જ્યારથી આ પરમાત્માને જોયા છે ત્યારથી જ સંસારની સર્વ ક્રિયા કરતાં પ્રભુજીના નામનું જ રટન મનમાં ઘુમતું હોય છે બહારથી સંસારની ખાવા-પીવા-હરવા-ફરવાની પ્રક્રિયા ચાલતી હોય છે. પરંતુ અન્દરથી પરમાત્માના નામની ધૂન ચાલતી હોય છે આવો તેમના નામનો પાકો રંગ મને લાગ્યો છે.
તથા જ્યારે જ્યારે અને જ્યાં જ્યાં આવી વીતરાગ પરમાત્માની મુદ્રા દેખું છું ત્યારે ત્યારે અને ત્યાં ત્યાં હૃદય અતિશય ઉલ્લાસવાળું
