________________
૧૦
શ્રી દેવચંદ્રજી કૃત ચોવીશી ભાગઃ ર ધ્યાન કરતાં કરતાં સાધક આત્મા પોતે પણ વીતરાગદશાને પ્રાપ્ત કરે છે પ્રભુના જેવો જ પોતાનો સ્વભાવ નિર્મળ કરે છે. વીતરાગનું ધ્યાન કરતો છતો પોતે જ વીતરાગદશાને પ્રાપ્ત કરે છે. હે પરમાત્મા ! આ એક મોટું અદ્ભુત આશ્ચર્ય છે.
અરિહંત પરમાત્માના સ્વરૂપનું ચિંતન-મનન-નિદિધ્યાસન કરતાં કરતાં સાધક આત્મા પોતે જ વિતરાગ બની જાય છે. આ એક મહાન આશ્ચર્ય છે. તે ૫ || અવતરણ - વીતરાગ પરમાત્મા કંઈ બાહ્યભાવનું કાર્ય કરતા નથી. છતાં સાધક તેમને પામીને તેમના જેવો થાય જ છે. આ વાત સમજાવતાં ગ્રંથકારશ્રી કહે છે કે - તુમ પ્રભુ તુમ તારક વિભૂજી, તુમ સમો અવર ન કોય T તુમ દરિસણ થકી હું તજી, શુદ્ધ આલંબન હોય !
વિમલજિન...II દ II ગાથાર્થ - તમે જ પ્રભુ છો. તમે જ તારક છો. હે પ્રભુજી ! તમે જ વિભુ છો. તમારા સમાન આ સંસારમાં બીજુ કોઈ નથી. આપશ્રીના દર્શન માત્રથી જ હું આ સંસારસાગર તરી શક્યો છું. આ સંસાર તરવામાં તમે જ શુદ્ધ આલંબનભૂત છો. ! ૬ /
વિવેચન :- હે વિમલનાથ પ્રભુ ! તમે તો વીતરાગ છો. કોઈ પણ વ્યક્તિનું કંઈ પણ કામ કરતા નથી. પરભાવમાં જોડાતા નથી. છતાં જે વ્યક્તિ તમારું ધ્યાન ધરે છે. તમને ઉપાસે છે તેનું બધું જ કામ થાય છે તેના માટે તમે જ પ્રભુ છો. તમે જ તેના તારક છો. અલિપ્ત રહ્યા છતા તમારા સાનિધ્યથી તે સેવકનું બધું જ કામ થાય છે.
આપશ્રીના દર્શન માત્રથી જ હું આ સંસારસાગર તર્યો છું. મારી જેમ ભૂતકાળમાં પણ અનેક આત્માઓ આપશ્રીના આલંબનમાત્રથી સંસારસાગર તર્યા છે. ખરેખર નાવની જેમ, સ્ટીમ્બરની જેમ તમે જ આ સંસાર તરવામાં શુદ્ધ - નિર્દોષ આલંબન સ્વરૂપ છો. આપશ્રી
