________________
- પરમ પૂજ્ય શ્રી દેવચંદ્રજી મહારાજ સાહેબ કૃતા
ચોવીશી : ભાગ-૨
( તેરમા શ્રી વિમલનાથ પરમાત્માનું સ્તવન
વિમલ જિન વિમલતા તાહરી જી, અવર બીજે ન કહાય ! લઘુ નદી જિમ તિમ લંધીચે જી, સ્વયંભૂરમણ ન કરાય II
વિમલજિન...૧ || ગાથાર્થ :- હે વિમલનાથ પ્રભુ, તમારામાં જેવી નિર્મળતા અર્થાત્ શુદ્ધતા છે. તેવી નિર્મળતા (શુદ્ધતા) બીજે ક્યાંય જણાતી નથી. આવી શુદ્ધતા બીજે ક્યાંય દેખાતી નથી. નાની નદી તો હજુ પણ જેમ તેમ કરીને તરી શકાય છે. પરંતુ સ્વયંભૂરમણ સમુદ્ર કેમે કરી તરી શકાતો નથી. || ૧૩-૧ |
વિવેચન :- તેરમા શ્રી વિમલનાથ પરમાત્માની સ્તુતિ કરતાં ગ્રંથકારશ્રી જણાવે છે કે હે પરમાત્મા ? તમારી નિર્મળતા એટલે કે શુદ્ધતા કેવી છે? આવી નિર્મળતા બીજે ક્યાંય દૃષ્ટિગોચર થતી નથી. આપની નિર્મળતા અતિશય અમાપ છે. અવર્ણનીય છે. શબ્દોથી ન કહી શકાય તેવી છે.
જ્ઞાનાવરણીયાદિ સર્વે પણ દ્રવ્યકર્મો, અને મિથ્યાત્વ અવિરતિ આદિસમસ્ત ભાવકર્મોથી રહિત છે. તથા પરાનુયાયિતા (પારદ્રવ્યને અનુસરવાપણું) ઈત્યાદિ સર્વદુષણોથી રહિત છે આપશ્રીમાં જે નિર્મળતા
