________________
૧૮૦
શ્રી દેવચંદ્રજી કૃત ચોવીશી ભાગ ૨ જો તમે મારા સામું જોશો તો મારાં કર્તૃશો એવાં હલકાં છે કે કદાચ તમારી મને તારવાની ભાવના હોય તો પણ પલટાઈ જાય. માટે ફરી ફરી વિનંતિ સાથે જણાવું છું કે મારા કર્તવ્ય સામે ન જોશો પણ તમારૂં “તારક” બિરૂદ રાખવા માટે મને અવશ્ય તારજો. llll
વિનતિ માનજો, શક્તિ એ આપજો, ભાવસ્યાદ્વાદતા, શુદ્ધ ભાસે || સાધી સાધકદશા સિદ્ધતા અનુભવી,
દેવચંદ્રવિમલ પ્રભુતા પ્રકાશે II & II ગાથાર્થ - હે કૃપાળુ દેવ! મારી આટલી વિનંતિને માન્ય રાખી મને એવી શક્તિ આપજો કે જેથી હું સર્વ દ્રવ્યોના ભાવધર્મને શુદ્ધ સ્યાદ્વાદ શૈલિથી એટલે અપેક્ષાવાદથી જેમ છે તેમ સમજી શકું અને તેના ફળસ્વરૂપ મારી સાધકદશાને સાધીને સ્વસ્વભાવગત એવી સિદ્ધતાને અનુભવીને દેવોમાં ચંદ્રમા સમાન નિર્મળ એવી મારી પોતાની પ્રભુતાને મારા આત્માના ઐશ્વર્યને હું પ્રગટ કરનારો થાઉં. આવી આપશ્રી પ્રત્યે મારી ભાવભરી નમ્ર વિનંતિ છે. તમે તે વિનંતી અવશ્ય સ્વીકારજો. | ૭ ||
વિવેચન : - હે પરમાત્મા ! સેવક એવા મારી આટલી વિનંતિ અવશ્ય સ્વીકારજો આપશ્રીને જે કંઈ કહું છું તે મારા પોતાના ભદ્રિકભાવથી કહું છું કે હે પરમાત્મા ! મને એવી શક્તિ આપજો કે જેનાથી વસ્તુધર્મને સાદ્વાદશૈલીથી નિત્ય-અનિત્ય, એક-અનેક, અસ્તિ-નાસ્તિ, ભિન્ન-અભિન્નપણે છએ દ્રવ્યોના અનંતા ધર્મોને શંકા આદિ દૂષણ રહિતપણે શુદ્ધ રીતે મને ભાસે-મને સમજાય.
આવા પ્રકારનું શુદ્ધ સમ્યજ્ઞાન પ્રાપ્ત કરીને તેના વડે મોહદશાને જિતીને સાધકદશા મેળવીને એટલે ભેદરત્નત્રયીને પ્રાપ્ત કરીને તેના દ્વારા સિદ્ધતા, નિષ્પન્ન દશા અનુભવીને સદવોમાં ચંદ્રમા સમાન છે
