Page Text
________________
వా
డుకుంటున్నాయి మతతత వలన తమ మయమై మై మైడులు అందుకు తమతమై
જ પ્રભાવ પ્રભુના બ્લવણ જલનો એક પૂ. આચાર્ય અભયદેવસૂરિ મહારાજ સાહેબ ત્યાગી હતા. પણ એમને કોઈક પૂર્વભવના કર્મના કારણે કોઢ રોગ થયો. ધીરેધીરે આખા શરીરે વ્યાપી ગયો. કર્મ કોઈને છોડતું નથી. કર્મ બાંધ્યા પછી ઉદયમાં આવ્યા પહેલાં ન છૂટે તો ભોગવવું પડે. પ્રભુને પણ ઉપસર્ગ સહન કરવા પડ્યા હતા. આચાર્ય મ.ને કોઢ રોગના કારણે આખા શરીરમાં ભારે ખાજ સાથે રસી પડે અને ભયંકર દુર્ગધ મારે. આની વેદના ભારે થતી હતી તો પણ આચાર્ય ભગવંત સમતારૂપી રસનું આચમન કરી કર્મને ભોગવતા હતા. વૈદ્યની પણ દવા લેતા નહીં. કોઈ ભવમાં આપણે જ કર્મ બાંધ્યાં છે તેના ઉદયમાં આર્તધ્યાન થાય તો નવાં કર્મો બંધાય. રોગ એ તો દેવું ચૂકવાય છે, દેવું ઓછું થાય તે તો... આનંદની વાત છે એમ માની સદાય પ્રસન્ન રહેતા. વેદના તો શરીરને થાય છે. આત્માને શું લેવા-દેવા, જાણે તેમને આત્મા અને શરીર જુદાં જ ન હોય એવી રીતે તે વર્તતા હતા? એક દિવસ આરાધનામાં મગ્ન બનેલા આચાર્ય ભગવંતને વિચાર આવ્યો કે કોઢ રોગથી સડેલા આ શરીર દ્વારા હવે બહુ ધર્મ નહીં થાય. શરીર તો ધર્મનું સાધન છે. મોક્ષની આરાધના માટે છે. ભોગ-વિલાસ ને વિરાધના માટે આ માનવ-ખોળિયું નથી. ધર્મ આરાધનામાં સાથ ન આપે તેવા શરીરને શું કરવાનું? માટે હવે અણસણ લઉં! આચાર્ય મહારાજે અણસણ કરવાની તૈયારી કરી અને ત્યાં જ અચંબો થયો. એક જવાજલ્યમાન પ્રકાશનો પૂંજ પ્રગટ થયો. આચાર્ય ભગવંતે જોયું તો તે શાસનદેવી ચકેશ્વરી દેવી હતાં. ચક્રેશ્વરી દેવીએ અભયદેવસૂરિને કહ્યું કે “હે સૂરિવર, તમે અણસણ ન સ્વીકારો. હજી તમારે શાસનનાં અનેક કામ કરવાનાં છે. હવે પડતો કાળ આવે છે. આગમશાસ્ત્રના કોઈ ખોટા અર્થો ન કરે તે માટે તમારે નવઅંગની ટીકા (સંસ્કૃત વિવરણ) રચવાની છે. ત્યારે આચાર્ય મહારાજે દેવીને ઉદ્દેશીને કહ્યું કે, “હે શાસનરક્ષિકા! તમારી વાત સાચી પણ હવે આ દેહની સ્થિતિ જોતાં બિલકુલ શક્યતા દેખાતી નથી. ભારે કર્મોદયથી આવેલો કોઢ રોગ કાંઈ કરવા દે તેમ નથી.” ત્યારે દેવીએ કહ્યું કે “તમે અમુક જગ્યાએ જાઓ. ત્યાં રોજ ગાય આવીને સવારે પોતાના આંચળમાંથી દૂધ વરસાવે છે. તે જગ્યાએ તમને જમીનમાંથી એક પાર્શ્વનાથ ભગવાનની પ્રતિમા મળશે. પ્રતિમાના અભિષેક કરેલા પાણીને તમારા શરીર છંટાવશો તો તમારો કોઢ રોગ નીકળી જશે અને તમારો દેહ કાંતિમય બની જશે.”
આચાર્ય મહારાજ થોડા શ્રાવકોને લઈ તે જગ્યાએ પહોંચ્યા. થોડીવાર થઈ, એક મનોહર લક્ષણવંતી પૂર્ણ શ્વેતવર્ણી ગાય આવી ઊભી રહી અને આપોઆપ તેના આંચળમાંથી દૂધ ઝરવા લાગ્યું. દેવી શક્તિ નિર્દિષ્ટ પ્રભાવશાળી સ્થાન જોઈ સૂરિવર, મુનિવરો, સંઘના શ્રાવકો આનંદવિભોર બની ગયા. તે સ્થાનેથી પ્રતિમા કઢાવી અને મહોત્સવ પૂર્વક તેનો અભિષેક કરી પ્રભુનું ન્હવણજલ શાસનદેવીના સંકેત અનુસાર શરીરે છંટાવ્યું અને જાણે ચમત્કાર થયો હોય તેમ આચાર્ય મ.નો કોઢ રોગ નીકળી ગયો. તેમનું શરીર કાંતિમય થઈ ગયું. ત્યારપછી આચાર્ય ભગવંતે જૈન શાસનની અનેકાનેક પ્રભાવના કરી અને ભાવી શાસનની સુરક્ષા માટેનન અંગો ઉપર સંસ્કૃત ભાષામાં સુંદર ટીકાઓ રચી. (નવ આગમગ્રંથો) આ પાર્શ્વનાથ પ્રભુની પ્રતિમાનું નામ હતું ‘‘સ્તંભન પાર્શ્વનાથ” અને તે હાલ ખંભાતમાં બિરાજમાન છે. ક્યારેક યાત્રા દર્શન કરવા અવશ્ય જશો. બાળકો: ૧. જે પણ રોગ આવે તે આપણાં પોતાનાં કર્મના કારણે આવે છે માટે રોગ આવે તો દુઃખી ન થવું.
૨. માનવભવનું શરીર અને પ્રભુનું શાસન મળ્યું છે તો ધર્મ થાય તેટલો કરી લોરોગ અને મૃત્યુ ક્યારે
આવશે ખબર નથી. ૩. શરીર ધર્મની આરાધના કરવા માટે છે, ભોગ વિલાસ માટે નહીં. ૪. માણસ મરી જાય છે ત્યારે આત્મા ચાલ્યો જાય છે. શરીર પડી રહે છે. આ જ બતાવે છે કે શરીર અને
આત્મા જુદા છે.
დეკორდულ
დროზთადადეთოდიკოლოოზუდზუდზოიალდიდორთდროუთოთოქოსი) დაიდეთოსთხოდეთ
დადოთ
| SR No. | 032097 |
| Book Title | Tu Rangai Jane Rangma 08 |
| Original Sutra Author | N/A |
| Author | Purnanand Prakashan |
| Publisher | Purnanand Prakashan |
| Publication Year | 2017 |
| Total Pages | 20 |
| Language | Gujarati |
| Classification | Book_Gujarati |
| File Size | 8 MB |