Page Text
________________
ఉండడమడత ప్రాంతాల ప్రజల ముందు ఎడా ఎడా పెడా ఎడా ఎడాపెడా
ప్రతాపత్రాలపై
સંપ્રતિ મહારાજા એક ભિખારી ખાવા માટે ભીખ માંગે છે. પરંતુ તેને કોઈ આપે નહીં અને સાધુ મહારાજને ખૂબ ખૂબ વહોરાવે, તે જોઈને ખાવા માટે શ્રી આર્યસુહસ્તિસૂરિ મ.સા. પાસે તે ભિખારીએ દીક્ષા લીધી માત્ર એક (અર્ધા) દિવસની જ સંયમની આરાધના - અનુમોદના કરી. અને બીજા ભવે સંપ્રતિ મહારાજ બને છે. આર્યસુહસ્તિસૂરિના દર્શનથી જાતિસ્મરણ જ્ઞાન થાય છે અને તે જૈન ધર્મી બને છે, તેમની આ વાત છે.
સંપ્રતિ મહારાજા અર્ધા ભરતક્ષેત્ર ઉપર વિજય મેળવી પોતાની રાજધાની ઉજ્જયિની નગરીમાં આવ્યા. હર્ષ પામેલા નગરજનોએ ઠાઠમાઠથી નગર પ્રવેશ કરાવ્યો.
સંપ્રતિ મહારાજ મહેલમાં આવ્યા અને તરત જ પોતાની માતા કમલાદેવીના પગમાં પડ્યા. પોતાની આંખોને માતાનાં પવિત્ર ચરણસ્પર્શ કરાવી પોતાની જાતને ધન્ય બનાવે છે. ઊભા થઈ માતાના મુખ સામે જોયું ત્યારે આશ્ચર્ય થયું પોતાની વિજયયાત્રાથી જ્યારે આખુંય નગર હર્ષના હિલોળે ચડેલું છે ત્યારે માતાનું મુખ શોકમગ્ન અને ચિંતાતુર હતું. દીકરાથી માતાનું આ દુઃખ ખમાતું નથી. “માતાના દુઃખે દુઃખી તે દીકરો અને માતાના દુઃખે સુખી ને દીપડો' આ જગતની કહેવત છે.
સંપ્રતિ પૂછે છે, હે માતા ! આજે મારા વિજયથી આખુંય નગર હર્ષઘેલું બન્યું છે ત્યારે તું શા માટે શોક મગ્ન છે? તારો દીકરો વિજય પતાકા ફરકાવી આવ્યો છે. છતાં તને આનંદ કેમ નથી ? આખું નગર હર્ષ પામતું હોય પણ માતાને હર્ષ ન હોય તો મારા માટે આ વિજય નિરર્થક છે...'
આ માતા પરમ શ્રદ્ધાળુ શ્રાવિકા હતી. દુનિયાથી નિરાલી હતી. દુનિયા દીકરાના દેહને જુએ છે પરંતુ શ્રાવિકા તો દીકરાના આત્માને જોતી હોય છે.
માતા કહે છે, “હે પુત્ર, રાજ્ય તો તારા આત્માને નરકમાં લઈ જશે. ભયંકર પાપો કરાવશે અને આ ભવ પરભવમાં દુઃખો વધારી મૂકશે. સાચી જનેતાને દુ:ખદાયી રાજ્યની ભૌતિક સુખોની કમાણીથી હર્ષ કેમ થાય ?'
સંપ્રતિ પૂછે છે, માતા, તને હર્ષ ક્યારે થાય? તારા હર્ષમાં જ મારો હર્ષ છે. જલ્દી બોલ તારો હર્ષ શેમાં છે ?'
‘બેટા ! તું જે પૃથ્વીને જીતીને આવ્યો છે. તે સમગ્ર પૃથ્વીને જિનાલયોથી શોભિત કરી દે. તારી સંપત્તિથી ગામે ગામ જિનમંદિરો ઊભા કરી દે. તે જોઈ પૃથ્વી ખીલી ઊઠે ત્યારે મને આનંદ થાય.”
સાચો દીકરો માતાના મુખમાંથી પડતો બોલ ઝીલી જ લે તે ન્યાયે સંપ્રતિ રાજાએ તે જ ક્ષણે આખી પૃથ્વીને જિનમંદિરોથી મઢી, દેવાનો સંકલ્પ કર્યો .
મહારાજાએ ત્યાં જ જોષીઓને બોલાવ્યા અને પોતાનું આયુષ્ય પૂછયું. જવાબ મળ્યો ‘રાજન્ ! હજુ ૧૦૦ વર્ષનું આયુષ્ય બાકી છે. ૩૬ હજાર દિવસનું આયુષ્ય છે.'
મહારાજા સંપ્રતિએ રોજનું એક જિનમંદિર બાંધવાનો સંકલ્પ માતાની સામે કર્યો અને કામ તુરત જ શરૂ કરાવ્યું.
રોજ એક ખાતમુહૂર્ત થયાના સમાચાર સાંભળ્યા પછી માતાને નમસ્કાર કરીને સંપ્રતિ રાજા ભોજન કરતા. માતા પણ હરખઘેલી બની રોજ પુત્રના કપાળે તિલક કરીને મંગળ કરતી.
આવી રીતે સંપ્રતિ મહારાજાએ ૩૬ હજાર નવાં જિનમંદિરો કરાવ્યાં અને ૮૯ હજાર જિનમંદિરોનો જીર્ણોદ્ધાર કરાવ્યો. તેમણે સર્વે મળીને સવા લાખ જિનમંદિરો કરાવ્યાં અને સવા ક્રોડ જિનપ્રતિમાઓ પણ ભરાવી. તે સિવાય પોતાના વિશાળ રાજ્યમાં કોઈ પણ જીવ ભૂખ્યો કે દુઃખી ન રહે તે માટે ૭૦૦ દાનશાળાઓ શરૂ કરી. બાળકો ... (૧) ભિખારીના ભવમાં સંયમ ધર્મની અંતરના ભાવથી અનુમોદના - પ્રશંસા કરી તો બીજા ભવે સંપ્રતિ મહારાજા
બન્યા. તમો પણ ધર્મની ખૂબ ખૂબ અનુમોદના - પ્રશંસા કરશો. (૨) સંપ્રતિ મહારાજા હતા તો પણ માતાનાં ચરણોમાં પડતા હતા. માતાની ખુશીમાં જ તેઓ ખુશ હતા. તમો પણ
માતા (મમ્મી)ની વાત ક્યારે ઉત્થાપતા નહીં. (૩) સંપ્રતિ મહારાજાએ ૧ ક્રોડ જિનપ્રતિમા ભરાવી હતી તો ચાલો, આપણે સંકલ્પ કરીએ, એટલી પ્રતિમાનાં
દર્શન તો કરીએ. એક પણ દિવસ દર્શન - પૂજન વિનાનો રહે નહીં.
ગ..-
ဇာဇာတဖျတတတတတတတတ တတတတတတတတတတတ စာလာစာစာစာလောကကြီးဟာ ડોરSeSSSSSSSSSSSSSSSSSSSSSSSSSS
| SR No. | 032091 |
| Book Title | Tu Rangai Jane Rangma 02 |
| Original Sutra Author | N/A |
| Author | Purnanand Prakashan |
| Publisher | Purnanand Prakashan |
| Publication Year | 2017 |
| Total Pages | 20 |
| Language | Gujarati |
| Classification | Book_Gujarati |
| File Size | 7 MB |