Tu Rangai Jane Rangma 02

SR No.: 032091
Original Sutra Author: N/A
Author: Purnanand Prakashan
Publisher: Purnanand Prakashan
Publication Year: 2017
Total Pages: 20
Language: Gujarati
Classification: Book_Gujarati
File Size: 7 MB

Page 5

(૨).
శామయుడా డాడాపెడామడాపెడా డామైతేడాలు వండమండలం ఎండలు ముడుపులు
అని
રાણી રૂકમણી શ્રી નેમિનાથ ભગવાનના સમયનો પ્રસંગ છે. જીવનમાં બનતો નાનો મોટો કોઈ પણ દુઃખદ પ્રસંગ આપણી જ ભૂલનું પરિણામ હોય છે. તે વાત આ કથા સ્પષ્ટ કરે છે.
કૃષ્ણ મહારાજાની આઠ રાણીઓ પૈકી એક મહારાણીનું નામ રૂફમણી છે. આ રૂક્મણી રાણીની કુખે પુત્રનો જન્મ થાય છે. માને સૌથી વ્હાલી વસ્તુ પોતાનો દીકરો હોય છે. મા દીકરાને પોતાના પ્રાણ માનતી હોય છે. સહન કરીને પણ દીકરાને સાચવે છે. થોડું પણ દીકરાને દુઃખ આવે તો તેની સંવેદના માને થાય છે. તેમાં કારણ છે માનો વાત્સલ્યભાવ. આવો જ વાત્સલ્યભાવ ધરાવનાર રૂકમણી રાણી • રાજકુમારને જન્મ આપે છે. જન્મ આપતાં જ દીકરાનો વિયોગ થાય છે. એક - બે દિવસ નહીં, પરંતુ ૧૬/૧૬ વર્ષ જેટલો દીર્ધકાળનો વિયોગ થયો. ભારે દુઃખ અને દર્દથી સમય પસાર કરે છે. વિયોગનું કોઈ જ કારણ સમજાતું નથી.
આ અરસામાં શ્રી નેમનાથ પ્રભુને કેવળજ્ઞાન થયા બાદ એકવાર દ્વારિકા નગરીના બહાર ઉદ્યાનમાં પધાર્યા છે. આ સમાચાર મળતાં જ કૃષ્ણવાસુદેવને હૈયામાં ભક્તિભાવ ઊભરાયો. એ પોતાની આઠ પટરાણીઓના વિશાળ પરિવાર અને સાજન-માજન સાથે પરમાત્માને વંદન કરવા અને દેશના સાંભળવા જાય છે. પરમાત્માને ત્રણ પ્રદક્ષિણા આપી યથોચિત સ્થાને બેઠા. કર્મનાં વિષમફળ અને સંસારની અસારતાને સમજાવતી પરમાત્માની દેશના સાંભળી વિનયપૂર્વક કૃષ્ણ વાસુદેવની મહારાણી રૂક્મણી પ્રભુ નેમનાથને પોતાનો સંશય જણાવે છે.
| ‘ભગવંત ! પુત્ર જન્મ પછી તુરત જ મારે ૧૬-૧૬ વર્ષ જેટલો દીર્ઘવિયોગ થયો. પ્રભુ! પૂર્વભવમાં એવું કયું કર્મ કર્યું હતું. જેને કારણે આ સ્થિતિ બની ? સંશયના સમાધાનમાં પ્રભુએ કહ્યું...
જગતમાં જીવો અજ્ઞાન અવસ્થામાં અનેક કર્મ બાંધે છે. કર્મબંધની પ્રવૃત્તિ સમયે જેટલો આનંદ (ઈન્ટરેસ્ટ) વધારે તેટલાં કર્મો નિકાચિત (ચીકણાં-મજબૂત) બંધાય. નિકાચિત કર્મ જીવને ભોગવવાં જ પડે છે. દુઃખ આવે ત્યારે પાપ યાદ આવતું નથી. પરંતુ પ્રત્યેક દુઃખના પાપ કર્મો જાતે જ બાંધ્યાં હોય છે.
આજથી અનેક ભવો પૂર્વે તારા પતિ રાજવી હતા, તું રાણી હતી. બન્નેને ઉપવનમાં ફરવા જવાનો શોખ હતો. એકવાર ઉપવનમાં ફરતાં ફરતાં મોરલીએ મૂકેલાં ઈંડાં પર તારી નજર ગઈ. નાનાં નાનાં સુંદર મજાનાં ઈંડા જોઈને તું ખૂબ પ્રસન્ન થઈ ગઈ. ઈંડાંને રમાડવા માટે મન લલચાયું. ઈંડાને સ્પર્શ કર્યો. ઈંડું હાથમાં લીધું અને રમાડ્યું, ખૂબ ખૂબ આનંદ મજા સાથે રમાડ્યું. તે સમયે તારા હાથમાં મહેંદી લગાડેલી હતી. તેના સ્પર્શથી ઈંડાનો રંગ બદલાઈ ગયો. સફેદ ઈંડામાંથી લાલ થઈ ગયું. તમે તો ઈંડાને બરાબર સાચવીને મૂકી ત્યાંથી ચાલ્યા ગયા. થોડા સમય પછી એની માતા મોરલી ત્યાં આવી. ઈંડાનો વર્ણ-રંગ બદલાઈ જવાથી પોતાના જ ઈંડાને તે મોરલી ઓળખી શકી નહી. તેથી કરૂણ કલ્પાંત કરવા લાગી.
પશુ, પંખી કે મનુષ્ય કોઈ પણ ભવમાં હોય, માને પોતાના સંતાન પ્રત્યે પ્રેમ - વાત્સલ્ય હોય જ છે. પોતાના ઈંડા માટે ઝૂરી ઝૂરી ને રડે છે.
થોડીવારમાં અચાનક ભાગ્યયોગે વીજળીના ચમકારા શરૂ થઈ ગયા. મેઘની ગર્જનાઓ થવા લાગી અને ક્ષણવારમાં તો અનરાધાર મેઘની ધારાઓ વરસવા લાગી. ઈંડાં પાણીથી ધોવાઈ ગયા. ફરી સફેદ થઈ ગયાં એની માતા મોરલીએ સફેદ ઈંડાને ઓળખી લીધાં અને પ્રસન્ન થઈને ઈંડા સેવ્યા. આ દરમ્યાન ૧૬ ઘડી ( ઘડી = ૨૪ મિનિટ)નો સમય થઈ ગયો. એ ૧૬ ઘડી સુધી મોરલીને ઈંડાનો વિયોગ કરવામાં તું નિમિત્તભૂત બની. તેના કારણે ૧૬-૧૬ વર્ષ સુધી પુત્રનો તારે ભારે વિયોગ થયો.
બીજાને દુઃખ આપ્યું હોય કે દુઃખ આપવામાં નિમિત્ત બન્યા હોઈએ તો તે જ દુઃખ અનેક ઘણું આપણે ભોગવવું પડે છે. ઉદયમાં આવ્યા પહેલાં તપ-આરાધના-પ્રશ્ચાતાપ - પ્રાયશ્ચિતથી તે પાપને ધોવે તો ભોગવ્યા પૂર્વે છૂટકારો થઈ શકે.
હે રૂકમણી ! તે પૂર્વભવમાં અણસમજમાં કર્મ બાંધ્યું તેનું પ્રાયશ્ચિત કર્યું નહીં, પ્રશંસા ખૂબ કરી તેથી કર્મ ચીકણું મજબૂત બન્યું. આ કર્મ ઉદયમાં આવ્યું તેથી તારે ૧૬ વર્ષ પુત્રનો વિયોગ થયો.
આ પ્રભુની વાણી સાંભળતાં સાંભળતાં રૂકમણી રાણીને જાતિસ્મરણ જ્ઞાન થયું. પોતાનો પૂર્વભવ નિહાળ્યો થોડો આનંદ માણવામાં આટલું લાંબું દુઃખ આવ્યું, આ કર્મની વિચિત્રતા જાણી સંસાર પ્રત્યે વૈરાગ્યે થયો. વૈરાગ્ય પામી પ્રભુ પાસે દીક્ષા અંગીકાર કરી.
સુંદર સંયમ આરાધના.... સાધના કરી કૈવલ્ય પામી એ જ ભવે મોક્ષે ગયાં
બાળકો. જાણીને કર્મની વિચિત્રતા! અજાણતાં માણેલો આનંદ કેવા દુઃખ આપે છે ! આપણા નિમિત્તે કોઈપણ જીવ દુઃખી ન થાય તે ખાસ ધ્યાન રાખશો.
gogo reference
to
get remember 2009
જુBambooelemeleseparate