________________
|
ଏଡ଼ଜଷ୍ଟ ଏଗ୍ରିହ୍ୟାର
। ଅନ୍ୟକୁ ଭଲ-ମନ୍ଦ କହିବାରୁ ସେମାନେ ଆମକୁ କଷ୍ଟ ଦିଅନ୍ତି । ଆମକୁ ତ ଦୁହିଁଙ୍କୁ ସମାନ କରିଦେବାକୁ ପଡ଼ିବ। ଜଣକୁ ‘ଭଲ’ କହିବା ଅର୍ଥାତ୍ ଅନ୍ୟ ଜଣକ ‘ଖରାପ’ ହେଲା । ଏଣୁ ସିଏ ଆମକୁ କଷ୍ଟ ଦିଏ । କିନ୍ତୁ ଦୁହିଁଙ୍କୁ ‘ ମିକ୍ସଚର’ (ସମଦୃଷ୍ଟି) କରି ଦେଲେ ଆଉ କିଛି ପ୍ରଭାବ ପଡିବ ନାହିଁ । ତେଣୁ ‘ଏଡ଼ଜଷ୍ଟ ଏଭୁହେୟାର’କୁ ମୁଁ ଖୋଜି ବାହାର କରିଛି । କେହି ସତ କହୁ ବା ମିଛ କହୁ ତା’ ସହିତ ‘ଏଡ଼ଜଷ୍ଟ’ ହୋଇଯାଅ । ଯଦି ମୋତେ କେହି କୁହେ ଯେ ‘ତୁମର ବୁଦ୍ଧି ନାହିଁ’ । ତେବେ ମୁଁ ତୁରନ୍ତ ତା’ ସହିତ ଏଡ଼ଜଷ୍ଟ ହୋଇଯିବି ଏବଂ କହିବି ଯେ ‘ତାହା ତ ପ୍ରଥମରୁ ନଥିଲା । ଆଜି ତୁ ଖୋଜିଲେ କେଉଁଠୁ ପାଇବୁ ? ତତେ ତ ଆଜି ଜଣା ପଡ଼ିଲା, ମାତ୍ର ମୁଁ ତ ପିଲା ଦିନରୁ ହିଁ ଜାଣିଛି ।’ ଯଦି ଏପରି କହିବା ତେବେ ସମସ୍ୟାର ସମାଧାନ ହୋଇଯିବ ନା ? ଆଉ ସିଏ ଆମଠାରେ ବୁଦ୍ଧି ଖୋଜିବାକୁ ଆସିବ ନାହିଁ । ଯଦି ଏହା ନ କରିବା ତେବେ ‘ନିଜ ଘରେ’ (ମୋକ୍ଷରେ) କେବେ ପହଞ୍ଚିବା ?
। ପତ୍ନୀ ସହ ଏଡ଼ଜଷ୍ଟମେଣ୍ଟ ପ୍ରଶ୍ନକର୍ତ୍ତା : ଏଡ଼ଜଷ୍ଟ କିପରି ହେବା ଉଚିତ, ଟିକିଏ ବୁଝାଇ କୁହନ୍ତୁ ।
ଦାଦାଶ୍ରୀ : ଯଦି ତୁମର କୌଣସି କାରଣବଶତଃ ବିଳମ୍ବ ହୋଇଯାଏ, ଆଉ ପତ୍ନୀ କିଛି ୟାଡୁ ସ୍ୟାଡୁ କହିବାକୁ ଲାଗେ, ଏତେ ଡ଼େରିରେ ଆସୁଛି ? ଏପରି ଚଳିବ ନାହିଁ ? ଏବଂ ତା’ର ମୁଣ୍ଡ ଖରାପ ହୋଇଯାଏ। ତେବେ ତୁମେ କୁହ ଯେ ‘ହଁ ତୋ କଥା ସତ, ତୁ ଯଦି କହିବୁ ଫେରିଯିବି, ଆଉ ଯଦି କହିବୁ ଭିତରେ ଆସି ବସିବି ।” ଏହା ଶୁଣି ସିଏ କହେ, ‘ନା, ଫେରିଯାଅ ନାହିଁ । ଏଇଠି ଚୁପ ଚାପ୍ ଶୋଇପଡ଼’ । କିନ୍ତୁ ପୁଣି ପଚାର, ‘ତୁ କହିଲେ ଖାଇବି, ନଚେତ୍ ଶୋଇପଡ଼ିବି।” ଏହା ଶୁଣି ସିଏ କହେ ‘ନା, ଖାଇନିଅ’ । ତେବେ ତୁମକୁ ତା’କଥା ମାନି ଖାଇ ନେବା ଉଚିତ୍ । ଅର୍ଥାତ୍ ଏଡ଼ଜଷ୍ଟ ହୋଇଗଲା । ପୁଣି ସକାଳେ ଫାଷ୍ଟକ୍ଲାସ୍ ଚା ଦେବ ଆଉ ଯଦି ଧମକ ଦେବ ତେବେ ସେ ସକାଳେ ମୁଁହ ଫୁଲାଇ ଚା’ଦେବ ଆଉ ଏହିପରି ତିନି ଦିନ ପର୍ଯ୍ୟନ୍ତ ଚାଲିବ।
