________________
( ૧૦૩) શ્રાવિકાએ પોતાના ઈષ્ટદેવના અવશ્ય દર્શન કરવા તથા યોગ્ય પૂજા ભક્તિ કરવી. તે દેવદર્શન તથા પૂજા ભક્તિ કેવી રીતે કરવાં? તે વિષે કંઈક ઢંકામાં જણાવીએ છીએ.
( ૨ ) જિનેશ્વર પ્રભુનાં દર્શન કે પૂજા કરવા ઈચ્છનાર ગૃહસ્થ પ્રથમ મન, વચન અને કાયાની શુદ્ધિ કરવી. એટલે ઘરથી જ શરીરને સ્વચ્છ કરી, સારાં શુદ્ધ ઉજવળ વસ્ત્ર પહેરી તથા સારાં ધર્મવચનવડે શુભ ભાવના ભાવતાં મનમાંથી સર્વ સંસારી જંજાળને દૂર કરી ફક્ત એક પરમેશ્વરના ગુણને સંભારતાં જિનમંદિરે જવું. (એજ પ્રમાણે ગુરૂવંદનાથે જતાં વર્તવું)
(૩) દેરાસરનાં બહારનાં પગથી આગળ આવતાં “નિસિહીનો ઉચ્ચાર કરો, એટલે પોતે સંસાર સંબંધી સર્વ કાર્યોને ત્યાગ કર્યો છે એમ ચિંતવવું. પછી દેરાસરના મકાનમાં પેસતાં જે જે આશાતના જોવામાં આવે છે તે પોતે દૂર કરવી અથવા દૂર કરવાની બીજાને ભલામણ કરવી. પછી પરમેશ્વરની પ્રતિમાની સન્મુખ આવેલા રંગમંડપમાં પ્રવેશ કરતાં બીજીવાર નિસિહી કહેવી. એટલે કે હવે પોતાને દેરાસર સંબંધી કામકાજનો પણ નિષેધ છે એમ ચિંતવવું. છેવટે પ્રભુની પ્રતિમા આગળ એટલે ગભારા અથવા પ્રતિમાહ આગળ આવતાં અર્ધ અંગ નમાવી યથે ચિત દ્રવ્યપૂજા કર્યા પછી ચેત્યવંદન કરવા પહેલાં ત્રીજીવાર નિસિહી કહીને એવું ચિંતવવું કે હવે મારે પ્રભુના ગુણ સ્મરણ વગર બીજી બધી વાતનો ત્યાગ છે.
(૪) દેરાસર ફરતાં ત્રણ પ્રદક્ષિણા દેવી. તેમાં જ્ઞાન, દર્શન (સમકિત) અને ચારિત્રનું આરાધન ચિંતવવું.
(૫) પછી પ્રભુને ત્રણ ખમાસમણ દેવાં. તેમાં દેવ, ગુરૂ અને ધર્મ એ ત્રણ તત્તવની ઉત્તમતા વિચારવી.
