________________
( ૮૪) સંઘવીશેક નગીનદાસ કરમચંદને માનપત્રને પ્રત્યુત્તર નેકનામદાર શ્રીમાન મહારાજા સાહેબ, મે. દીવાન સાહેબ, અત્રે પધારેલા ગૃહસ્થા અને હેને.
શ્રી કચ્છદેશના જૈન તીર્થોની યાત્રા કરવા માટે ચતુર્વિધ સંઘ સાથે અહિં આવતાં અહિંના શ્રી સંઘે અમારી અપ સંઘસેવાને અંગે અમને જે કંઈ અપરિમિત માન આપ્યું છે અને અમારે જે સત્કાર કર્યો છે, તેમજ અહીંના નામદાર રાજસાહેબે અમારી સાથેના શ્રી સંઘને અને અમારે જે, અપૂર્વ સત્કાર કર્યો છે તેથી અમારું અંત:કરણ એટલી બધી લાગણીથી ઉભરાય છે અને અમે એટલા બધા આભારી થયા છીએ કે તેને આભાર માનવાને માટે અમને પૂરા શબ્દો પણ મળી શક્તા નથી. ' . . * અત્રેના શ્રીસંઘે અમારી આ શ્રીસંઘસેવાના બદલામાં અમને માનપત્ર આપવાનો વિચાર અમલમાં મૂક્યો છે, તે માનપત્રમાં જણાવેલા શબ્દો અમને ઘણું અતિશયોકિતવાળા લાગે છે. અમે શ્રીસંઘની ઘણી અલ્પ સેવા બજાવી છે. પૂર્વે ઘણુ મહાપુરૂષો એવી સંધસેવા કરી ગયા છે કે જેના પ્રમાણમાં આ અમારી સંઘભકિત ઘણું જ અ૫ છેછતાં અમારી ઉપરના સનેહભાવના આકર્ષણથી અમને માનપત્ર આપીને શ્રીસંઘે અમને એવા અહેસાનમંદ કર્યો છે કે જેને માટે અમે શુદ્ધ અંતઃકરણથી પરમપૂજ્ય શ્રીસંઘને પૂર્ણ રીતે આભાર માનીએ છીએ.
