Page Text
________________
પ00
પ્રા. ઉપદેશમાલાનો ગૂર્જરનુવાદ જિનેશ્વરની પૂજા કરવી, તપ કરવો, તેમ જ તેવા પર્વદિવસોમાં અભયદાન વગેરે પ્રકારનાં દાન, જ્ઞાનાભ્યાસ, આવશ્યકાદિ ક્રિયાવિશેષમાં અધિક આદરથી જોડાય. તે આ પ્રમાણે – શ્રીજિનેશ્વર ભગવંતના ચરણ-કમળની વિધિ સહિત પૂજા કરવામાં જો પોતાની પુણ્યલક્ષ્મીનો યોગ-સંબંધ જોડો, તો દુષ્ટ પાપકર્મનો ઘટાડો થાય, અને શરદચન્દ્ર સરખો ઉજ્વલ યશ ઉપાર્જન કરે. જો પૂર્વભવમાં ઉપાર્જન કરેલ કર્મરૂપ પર્વતને ભેદવા માટે વજ સમાન, કામરૂપી દાવાનળની જ્વાલા સમુદાયને ઓલવવા માટે જળ સમાન, નિરંકુશ પાંચ ઇન્દ્રિય સમૂહરૂપ સર્પના ઝેર ઉતારવા માટે મંત્રાક્ષર સમાન, અંધકારના ધાડાને દૂર કરવા માટે દિવસ સમાન, લબ્ધિરૂપી લક્ષ્મીલતાના મૂળ સમાન એવા વિવિધ પ્રકારના તપને વિધિપૂર્વક નિષ્કામભાવથી સેવન કરો. આ પૃથ્વીમાં હજારો શૂરવીરો છે, કળા જાણકારો પણ તેટલા જ છે, જ્યોતિષ જાણનાર દરેક ઘરમાં મળી જશે, પદાદિ વ્યાકરણ વિદ્યાઓના જાણકાર ડગલે-પગલે મળશે. બહાદુરો અને વાણીવિલાસ કરનાર ભાષણખોરોનાં નામ અમારે કેટલાં કહેવા? પરંતુ પોતાનું ધન આપવા માટે ઉદ્યમી થનાર પવિત્ર પુરુષો સેંકડે બે ત્રણ જ માત્ર મળશે. (૨૪૧).
साहूण चेइयाण य, पडिणीयं तह अवण्णवायं च । जिणपवयणस्स अहिअं, सव्वत्थामेण वारेई ||२४२।। विरया पाणिवहाओ, विरया निच्चं च अलियवयणाओ ।
विरया चोरिक्काओ, विरया परदारगमणाओ ||२४३।। ૧૯. સર્વધર્મોમાં જીવદયા શિરોમણી છે
સાધુઓના અને જિનચૈત્યોના દ્રોહીઓ, તેમ જ તેમના માટે અપલાપ-વિરુદ્ધ બોલનાર હોય, વળી જિનપ્રવચનનું અહિત કરનાર-શત્રુ હોય તેને પોતાની તમામ શક્તિથી અને કામ પડે તો પ્રાણ ન્યોછાવર કરીને નિવારણ કરે. શાસનની ઉન્નતિ કરવાથી મહોદય થાય છે. (૨૪૨) હવે વિશેષથી શ્રાવકના ગુણોને કહે છે - ત્રસ જીવોને મારવાની વિરતિ, હંમેશાં મોટાં જૂઠ-વચનો બોલવાની વિરતિ, સ્થૂલ ચોરીથી વિરમેલા, પરદાર-ગમનની વિરતિવાળા, તેમાં જીવદયાનું ફળ બતાવતા કહે છે કે, જીવદયા નારકીનાં દ્વાર બંધ કરવામાં ચતુર છે, કુયોનિ-ક્ષય કરવામાં પ્રવીણ છે, રોગ-સમૂહને હણનારી છે, સર્વ પાપરૂપ આતંકને ક્ષય કરવા માટે સમર્થ છે. યમરાજાના ઉદ્ધત હસ્તયુગલને ચૂરી નાખનારી છે, શિવલક્ષ્મીને પમાડનારી છે. આવી નિર્મલ સર્વધર્મમાં શિરોમણિ ભાવે રહેલી જીવદયા જય પામે છે. વદન વગરનું શરીર, નેત્રકમલ વગરનું વદન જેમ શોભતું નથી, તેમ
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |