Page Text
________________
૩૯૪
પ્રા. ઉપદેશમાલાનો ગૂર્જરનુવાદ મહોત્સવ કર્યો. પાંચ પ્રકારના ભોગ ભોગવતા એવા તેઓના ત્યાં આગળ અમૃત સમાન કેટલાક મહિના દિવસની જેમ જલ્દી પસાર થઈ ગયા. જે માટે કહેલું છે કે
"આ મારો કે પારકો છે-એવી ગણતરી કરનાર તુચ્છ પુરુષો છે અને ઉદાર ચરિત્રવાળા પુરુષોને તો આખું જગત જ પોતાનું કુટુંબ છે."તથા “ગમે ત્યાં જાવ, ગમે તે કોઈ વ્યવસાયઉદ્યમ-વેપાર કરી, પરંતુ આ લોકમાં જે, પુણ્યાધિક હોય છે, તે પુરુષ સુખેથી સુખ મેળવી શકે છે. સુનંદા એક વખત હાથીનું સ્વપ્ન દેખીને જાગી અને પતિ પાસે નિવેદન કર્યું એટલે કહ્યું કે, “ઉત્તમપુત્રનો લાભ થશે. હવે સુનંદાએ ગર્ભ ધારણ કર્યા પછી તેના પિતાના ખાસપ્રધાન પુરુષો શ્રેષ્ઠ અશ્વ ઉપર આરૂઢ થઇને ત્યાં આવી પહોંચ્યા, કુમારને પ્રણામ કરીને કહેવા લાગ્યા કે, “તમારા પિતાજીના દેહની સ્થિતિ બગડી ગઈ છે, તેથી શ્રેણિકકુમારને લાવવા માટે અમે તમારા ચરણમાં આવેલા છીએ.” એ પ્રમાણે ટૂંકા સમાચાર જેમાં અર્થ
વિસ્તારવાળો હોય તેવો, રાજાના હાથનો પત્ર પણ કુમારને અર્પણ કર્યો, તેથી ઉતાવળો ઉતાવળો જવાની ઈચ્છાવાળો થયો. પોતાના શ્વસુર ભદ્રશેઠને પૂછીને તથા રુદન કરતી સુનંદાએ કહ્યું કે, “હે પ્રાણપ્રિયે ! ભાવી જન્મનાર પુત્રનું અવશ્ય પાલન કરજે. કદાચ કોઇ વખત તને મળવાની ઉત્કંઠા થાય, તો આ ભારવટ પર અક્ષરોની પંક્તિ લખેલી છે, તે વાંચીને પુત્ર સહિત જલ્દી આવવું. રાજગૃહી નગરીમાં શ્વેત ભિતયુક્ત કિલ્લાના ગોવાળ તરીકે અમે ઘણા જાણીતા છીએ. ગોપાલ એટલે પૃથ્વીપાલ રાજા અને તેમના રહેવાના રાજમહેલો શ્વેતવર્ણવાળા હોવાથી એ પ્રમાણે મોભની વળી ઉપર ખડીથી લખેલું હતું. એક અતિ ચપળ અશ્વ ઉપર આરૂઢ થઇ તે એકદમ રાજગૃહ નગરે જઇને પ્રસેનજિત રાજાને નમસ્કાર કર્યો, જેથી પિતાને અત્યંત સંતોષ થયો. એક અતિ પ્રશસ્ત દિવસ જોવરાવીને સામંત, મંત્રી વગેરેને જણાવીને ગુણોમાં ચડિયાતા એવા શ્રેણિકનો રાજ્યાભિષેક પોતે કરે છે. રાજા પરલોક પામ્યા પછી સુંદરમતિવાળા શ્રેણિક ક્રમે કરીને ન્યાય-નીતિમાં નિપુણ એવા મોટા રાજા થયા.
આ બાજુ ગર્ભના પ્રભાવથી સુનંદાને એવો દોહલો ઉત્પન્ન થયો કે, “સર્વાગે શૃંગાર અને આભૂષણો પહેરેલી હાથીની ખાંધ પર આરૂઢ થએલી અમારી-પડતની ઉદ્ઘોષણા કરાવવા પૂર્વક દીન, અનાથ વગેરે જે કોઇ માગણી કરે, તેને દાન આપું.” રાજાને શેઠે વિનંતિ કરી એટલે શેઠે તેનો સમગ્ર દોહલો પૂર્ણ કર્યો, એટલે સુનંદા જાણે અમૃતબિન્દુઓના છાંટણાથી સિંચાઈ હોય તેવી આનંદિત બની. સમય થયો, એટલે અતિપ્રશસ્ત નક્ષત્ર-યોગલગ્ન-સમયે લાખો શુભ લક્ષણોથી લક્ષિત દેહવાળો પુત્ર જન્મ્યો. બાર દિવસ થયા પછી દોહલાનુસાર અમારી-ઘોષણા કરાવવા પૂર્વક “અભયકુમાર” એવું નામ સ્થાપન કર્યું.
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |