Page Text
________________
પ્રા. ઉપદેશમાલાનો ગૂર્જરાનુવાદ
અંદર પેઠો.
ત્યારપછી ગોશાળો ભગવંતને આ પ્રમાણે કહેવા લાગ્યો કે, ‘હે કાશ્યપ ! પિત્ત જ્વરથી વ્યાપેલા શરીરવાળા તમે છ મહિનાની અંદર શરીર-નાશ પામવા યોગે છદ્મસ્થપણામાં જ કાળ પામશો.' ત્યારે ભગવંતે ગોશાળાને એમ કહ્યું કે, ‘હું તો હજી સોળ વર્ષ વિચરીસ, પરંતુ હે ગોશાળ ! તું તો તારા પોતાના તેજોગ્નિથી અંદર બળતો અને પિત્ત-જ્વરથી ઘેરાએલો સાત રાતમાં જ છદ્મસ્થપણામાં જ કાળ પામીશ.' ત્યારપછી ગોશાળાને સાતમી રાત્રિએ પોતાના પરિણામ પલટાયા અને પ્રાપ્ત થએલ સમ્યક્ત્વને લીધે તે આવા પ્રકારના ચિત્તવાળો થયો.
૩૨૯
"હું જિન-કેવલી નથી જ, પરંતુ મંખલિપુત્ર સાધુનો હત્યારો છું.’ ત્યા૨-પછી પોતાના મતના આજીવિક વૃદ્ધોને બોલાવીને આ પ્રમાણે કહ્યું, ‘હું’ ખરેખર જિન-કેવલિ નથી, પરંતુ મહાવી૨ જ તેવા જિન-કેવલી છે. તો તમો મારો કાળ થયા પછી જાણો કે આ મૃત્યુ પામ્યો છે, ત્યારે મારા ડાબા પગે કંતાન-સૂતળીની દોરી બંધીને શ્રાવસ્તિ નગરીની બહાર હું જ્યારે ઘસડીને લઈ જવાતો હોઊં, ત્યારે તમારે આ પ્રમાણે ઘોષણા કરતા ચાલવું કે, ‘જિન ન હોવા છતાં હું જિન છું-એમ ખોટો પ્રલાપ ક૨ના૨, કેવલી ન છતાં પણ હું કેવલી છુંએમ પ્રલાપ કરનાર આ ગોશાળો છે.' એમ બોલતાં બોલતાં મારા મૃતકને ઘસડજો. આ પ્રમાણે સોગન ખવરાવીને નક્કી કરાવેલ. જ્યારે કાલ પામ્યા એમ જાણ્યું, ત્યારે રહેવાના સ્થાનનું દ્વાર બંધ કરીને શ્રાવસ્તિ નગરી આલેખીને લજ્જા પામતા એવા તેના પરિવારે તે કહ્યા પ્રમાણે આલેખેલી નગરીમાં કર્યું.
ગોશાળક પણ કાળ પામ્યો થકો અચ્યુત કલ્પમાં ઉત્કૃષ્ટ સ્થિતિવાળો દેવ થયો. ત્યારપછી મહાવીર પ્રભુ શ્રાવસ્તિથી મિંઢિક ગામ ગયા. ત્યાં ગૌતમ સ્વામીએ પૂછ્યું કે, ગોશાળો સ્વર્ગમાંથી ચ્યવીને ક્યાં ઉત્પન્ન થશે ? ભગવંતે ભગવતીસૂત્રમાં ગોશાલક અધ્યયનમાં કહ્યા પ્રમાણે સર્વ હકીકત કહી. છ માસ પછી રેવતી શ્રાવિકાએ વહોરાવેલ ઔષધ વડે ભગવંત નિરોગી શરીરવાળા થયા.
એ પ્રમાણે સુનક્ષત્ર અને સર્વાનુભૂતિની કથા.(૧૦૦)
આ પ્રમાણે સારા સારા વિનયવાળા શિષ્યની ગુરુ વિષે ભક્તિ બતાવીને હવે એવા ક્યા ગુરુ ભક્તો થાય છે, તે જણાવે છે
पुण्णेढि चोइआ पुरक्खडेहिं सिरिभायणं भविअ-सत्ता । गुरुमागमेसिभद्दा, देवयमिव पच्जुवासंति ।। १०१ ।।
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |