Page Text
________________
૨૯૪,
પ્રા. ઉપદેશમાલાનો ગૂર્જરાનુવાદ અનુમોદના કરવા લાગ્યો કે, ખરેખર એવા અવસરે મુનિ આવી પહોંચ્યા છે, જે વખતે ખીરનો થાળ ભરેલો જ હતો. આનંદની વાત બની કે, મુનિસિંહના પ્રભાવથી દાન આપતાં મારો ભાવ ખંડિત ન થયો. થાળી ખાલી થએલી જોઇને માતાએ ફરીવાર પણ ખીર પીરસી અને ત્યાં સુધી ખાધી કે તે ધરાઈ ગયો. મહાયશવાળા તેને તે રાત્રે ખીર પચી નહિ અને તે જ દિવસે ત્યાં વમન થયું અને મૃત્યુ પામ્યો. સુપાત્રમાં દાન આપ્યું, તેથી ભોગ-સમૃદ્ધિસહિત મનુષ્યગતિનું આયુષ્ય બાંધ્યું, સુપાત્રદાન કામધેનુ, કલ્પવૃક્ષથી અધિક જગતનું મંગલ જયવંતું વર્તે છે.
હવે રાજગૃહી નગરીમાં પ્રસિદ્ધ સમૃદ્ધિવાળા ગોભદ્ર નામના સાર્થવાહ છે. તેને દાનશીલગુણના સૌભાગ્યાતિશયવાળી ઉજ્વલ યશવાળી ભદ્રા નામની ભાર્યા હતી. તે ગુણવંતી પતિને પ્રિય હોવા છતાં મનમાં અત્યંત દુઃખી હતી, કારણ કે, ઘણા દેવોની પૂજામાનતા કરવા છતાં તેને એકેય સુંદર અંગવાળ પુત્ર થયો ન હતો. કોઇક સમયે તે સ્વપ્નમાં શાલિક્ષેત્ર દેખે છે, તે સમયે દુઃખનો અંત વળ્યો હોય તેમ હર્ષ પામી, સાર્થવાહ પાસે સ્વપ્નનો અર્થ પૂછ્યો, તો તેણે જણાવ્યું કે, લાંબા હાથ સહિત તને પુત્ર-પ્રાપ્તિ થશે. આ પ્રમાણે તેના દિવસો અને મહિનાઓ પસાર થતા હતા. અનેક ગુણવાળો પેલો સંગમનો જીવ તેના ગર્ભમાં આવ્યો. શાલિક્ષેત્રમાં ભોગ ભોગવવાનો દોહલો થયો હતો.
નિરોગી અને શોક વગરની તે પ્રમાણે ભોગ માણવા લાગી. સારા લગ્નનો યોગ થયો, ત્યારે બાળકનો જન્મ થયો. જાણે ઉદયાચલપર સૂર્યનો ઉદય થયો, ગોભદ્ર અને ભદ્રાએ પોતાના ભવનમાં નિર્મળ ચિત્તથી જન્મોત્સવ પ્રવર્તાવ્યો. સૈનિકો, ભાટ, ચારણ વગેરે હાથમાં અક્ષતપાત્ર લઇને વધાવવા આવતા હતા, તેઓ જયકાર શબ્દ બોલતા હતા. અતિમોટા શબ્દોથી મનોહર વાજિંત્રો વાગતાં હતાં, લોકોને વસ્ત્ર અને મીઠાઇઓ તેમજ કપૂર વગેરે ઘણા સુગંધી પદાર્થો આપવામાં આવતા હતા.
ત્યારપછી સ્વપ્નાનુસાર ભદ્રાએ તેનું શાલિભદ્ર એવું નામ સ્થાપન કર્યું. જેમ નંદનવનમાં કલ્પવૃક્ષ વૃદ્ધિ પામે, તેમ પ્રૌઢસુખવાળા તે દરરોજ વૃદ્ધિ પામવા લાગ્યો. કામદેવના રૂપરેખાની કસોટી સમાન તે નવીન યૌવનવનય પામ્યો. પોતાના સૌભાગ્યાતિશયથી ખરેખર જાણે ભૂમિપર પરાધીનતાથી કોઈ દેવકુમાર આવ્યો હોય, તેમ તે શોભતો હતો. તેને સમાન વૈભવવાળા સુવર્ણસરખી કાંતિવાળી ૩૨ શેઠ કન્યાઓ સાથે પરણાવ્યો. તેમની સાથે અતિશય ભોગો ભોગવતો હતો, જેથી સમગ્રલોક અતિશય ચમત્કાર પામતા હતા.
પૂર્વભવના તેના પિતાને પુત્ર પર અતિશય સ્નેહ હોવાથી તે પિતા દેવ દરરોજ નવીન નવીન અખૂટ ખાવા-પીવાની દિવ્ય સામગ્રી તૈયાર કરીને મોકલી આપે છે. અને પુત્રના
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |