Page Text
________________
પ્રા. ઉપદેશમાલાનો ગૂર્જરાનુવાદ
૨૩૩
લાભ થવાનો જ છે, તેથી સુનંદાએ ધનિગિરએ કહ્યું કે, ‘હવે સુન્દર લક્ષણવાળો સહાયક તને પુત્ર થશે.' વળી વિચારવા લાગ્યો કે, ‘ગૃહસ્થોને કુશલ ક્યાં હોય છે ? તે સ્ત્રીઓથી સંસાર-સાગરમાં ફેંકાય છે, કદાચ પોત એટલે બાળક પ્રાપ્ત કરે છે, તો તે તેનાથી જ અતિશય ડૂબી જાય છે.’
પોત એટલે બીજો અર્થ વહાણ-તરવાનું સાધન મેળવે છે, તો પણ તેનાથી ડૂબી જાય છે. કોઈ પ્રકારે સુનંદાએ રજા આપી એટલે સર્વ જીવોને અભયદાન આપનાર સર્વવિરતિ મહાઆડંબરપૂર્વક મહોત્સવ કરીને ગ્રહણ કરી. સર્વ ચતુર્વિધ શ્રી સંઘનું સન્માન કર્યું. શુભ નક્ષત્ર, મુહૂર્ત, યોગ, લગ્નબળ હતાં, તે સમયે મહાનિધાનના લાભની ઉપમા વડે સિંહગુરુની પાસે મહાવ્રતો લીધાં.
આ બાજુ કંઈક નવમાસથી અધિક કાળ થયો, ત્યારે પૂર્વદિશામાં જેમ સૂર્ય તેમ સુનંદાએ સૂર્યસમાન તેજવાળા પુત્રને જન્મ આપ્યો. તે સમયે અનેક પાડોશની સ્ત્રીઓ એકઠી થઈ અને પરસ્પરવાતો કરવા લાગી કે, ‘જો આના પિતાએ દીક્ષા ન લીધી હોત, તો પુત્રનો અતિમહાન જન્મોત્સવ કરત. નિર્મલ મતિજ્ઞાનવાળા જન્મેલા આ બાળકને તે સ્ત્રીઓના મુખમાંથી નીકળતા દીક્ષાના શબ્દો સાંભળીને જાતિસ્મરણજ્ઞાન થયું. વિચારવા લાગ્યો કે, ‘માતા ઉદ્વેગમનવાળી ન થાય, ત્યાં સુધી મને પ્રવ્રજ્યા ગ્રહણ ક૨વા ૨જા નહીં આપશે, તો કોઇ પ્રકારે તેને હું ઉદ્વેગના કારણરૂપ થાઉં.’
હવે બાળક હંમેશાં મુખ પહોળું કરી એવી રીતે રુદન કરવા લાગ્યો કે, જેથી સુનંદા શયન-ઊંઘ ન કરી શકે, બેસી ન શકે, ભોજન ન કરી શકે, સુખેથી ઘરકાર્ય પણ ન કરી શકે.-એમ રૂદન કરતાં છ મહિના પસાર થયા, પછી ત્યાં નગરઉદ્યાનમાં સિંહગિરિ ગુરુ પધાર્યા. સ્વાધ્યાયાદિક યોગક્રિયાઓ પૂર્ણ થઇ અને ભિક્ષા સમય થયો. ત્યારે ધનગિરિ અને સમિત સાધુએ સિંહગિરિને પૂછ્યું કે, ‘હે ભગવંત ! અમારા પૂર્વના સંબંધવાળાસ્નેહીવર્ગને મળવા માટે તેમના ઘરે જઇએ.’ ગુરુએ તે વાતની અનુમતિ આપી. પોતે મનથી ઉપયોગ મૂક્યો, તો તે સમયે કોઇક ઉત્તમફલ આપનાર નિમિત્ત ઉત્પન્ન થયું.
ગુરુએ તેમને જણાવ્યુ કે, ‘ત્યાં ગયા થકા જે કંઈ ચેતનવંત કે અચિત્ત જે મળે તે તમારે સ્વીકા૨વું, કારણ કે મને આજ શુભ શકુન થયેલું છે.’ તે બંને મુનિઓ સુનંદાના ઘરે ગયા, એટલે તે પણ બહાર આવી. બીજી પાડોશની ઉત્તમ કુળની સ્ત્રીઓ પણ તે વખતે એકઠી થઇ. બે હાથની અંદર પુત્રને ધારણ કરી પગમાં પડીને સુનંદા કહેવા લાગી કે, અત્યાર સુધી તો મેં આ બાળકનું પાલન કર્યું. હવે તો આ બાળકને તમે ગ્રહણ કરો. કારણ કે, તેને હવે પાળી શકવા હું સમર્થ નથી.'
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |