Page Text
________________
પ્રા. ઉપદેશમાલાનો ગૂર્જરાનુવાદ
૨૧૫ વંચિત કરે છે.”
ત્યારપછી શ્રી મુનિસુવ્રતસ્વામી પાસે ૫૦૦ પુરુષો સહિત દીક્ષા અંગીકાર કરીને યશ પ્રાપ્ત કરનાર યતિ થયા. કાલક્રમે તે સૂરિપણું તેમજ પવિત્ર જ્ઞાનભંડાર પામ્યા. ત્યાર પછી પ્રભુએ ૫૦૦ સાધુનો પરિવાર તેને આપ્યો. એક સમયે પ્રભુની આજ્ઞા માગી કે, કુંભારકડ નામના નગરમાં નાનીબહેન પુરંદરયાને પ્રતિબોધ કરવા માટે વિહાર કરીને જાઉં ?' ત્યારે પ્રભુએ કહ્યું કે, “ત્યાં તને અને તારા પરિવારને મારણાંતિક ઉપસર્ગ થવાનો છે.” ફરી પ્રણામ કરીને ભગવંતને પૂછે છે કે, “હે સ્વામી ! અમે આરાધક કે વિરાધક બનીશું ? અથવા તો બીજું શું થશે ?' ત્યારે સ્વામીએ જણાવ્યું કે, “તને છોડીને બાકીના સાધુઓ આરાધક છે.“ભવિતવ્યતાનો નાશ થતો નથી' એમ ધારીને વિચાર્યું કે, “મારી સહાયતાથી જો સાધુઓ સિદ્ધિ પ્રાપ્ત કરતા હોય, તો તેથી શું ઓછું ગણાય ?' એમ ધારીને તે આચાર્ય કુંભકારકૃત નગરમાં પહોંચ્યા.
જ્યારે સૂરિ વિહાર કરી માર્ગમાં આવતા હતા, ત્યારે પાપી પાલકને તે ખબર પડી. આગળ કુંદકકુમારે રાજસભામાં પરાભવ કરેલ, તેનું સ્મરણ થવાના કારણે અતિશય કોપ પામેલા તે પાલકે પ્રથમથીજ ઉતરવાના ઉદ્યાનમાં ગુપ્તપણે ખોદાવીને કેટલાંક શસ્ત્રો દટાવ્યાં. તે જ શ્રેષ્ઠ ઉદ્યાનમાં સૂરિ સુખપૂર્વક ઉતર્યા, તેમને વંદન કરવા માટે દંડકીરાજા નીકળ્યો. તેમને પ્રણામ કરીને આગળ રાજા બેઠો, એટલે આચાર્યે અમૃતપ્રવાહ સરખી ધર્મકથા શરૂ કરી. ઘણા બુદ્ધિધન પુરુષો-પ્રાણીઓ તેમજ રાજા પ્રતિબોધ પામ્યા.
ત્યારપછી ગુરુના ગુણથી મહાઆનંદિત ચિત્તવાળો રાજા નગરની અંદર પહોંચ્યો. હવે પાપી પાલકે એકાંતમાં રાજાના કાન ભંભેર્યા કે, “હે સ્વામી ! આપની હિતબુદ્ધિથી આપને પરમાર્થની વાત કહેવી છે. આ આચાર્ય નક્કી હવે વ્રતથી ઉદ્વેગ પામીને અહિં આવેલા છે, તેમાં કારણ એ છે કે, “હે પ્રભુ ! આ પાખંડી અને અતિકપટી તમારું રાજ્ય પડાવી લેવા માટે, (૨૫) કપટથી સાધુના લેબાશમાં છે. આપાંચસો સર્વે યોદ્ધાઓ છે. જો તમે ત્યાં જશો, તો નિઃશંકપણે તેઓ તમને શસ્ત્રોથી મારી નાખશે. હે દેવ ! કદાચ આ વાતમાં આપને સંદેહ હોય, તો કોઈકને ત્યાં મોકલીને પૃથ્વીમાં દાટેલા હથિયારોને હું જાતે બતાવીશ.” તે પ્રમાણે કરીને રાજા પાસે તે હથિયારો પ્રગટ કરાવ્યાં.
ન ઘટવા લાયક બનેલી ઘટનાથી રાજા મનમાં ચમક્યો. “પાણીમાં સુકું પાંદડું ડૂબી જાય, શીલા તરે, અગનિ પણ બાળે, આ સંસારમાં એવું વિધાન નથી કે જે ન સંભવે.” સારી વાત પરીક્ષા કર્યા વગર, ઘણે ભાગે પહેલાનું પુણ્ય ઘટી ગયું હોવાથી તે પાલકમંત્રીને જ તેઓને શિક્ષા કરવા માટે આજ્ઞા આપી. (૩૦) આ પ્રમાણે પાપિષ્ટ દુષ્ટચિત્તવાળો તે
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |