________________
रायपसेणियसुत्त देवस्स सामाणियपरिसाववन्नगा देवा पोत्थयरयणं उवणेति । तए णं से सूरियाभे देवे · पोत्थयरयणं गिण्हइ, २ पोत्थयरयणं मुयइ, २ पोत्थयरयणं विहाडेइ, २ पोत्थयरयणं वाएइ । २ धम्मियं ववसायं गिण्हइ २ पोत्थयरयणं पडिनिक्खिवइ । २ सीहासणाओ अब्भुटेइ, २ ववसायसभाओ पुरच्छिमिल्लेणं दारेणं पडिनिक्खमइ । २ जेणेव नंदा पुक्खरिणी तेणेव उवागच्छइ २ नंदापुक्खरिणीणं पुरच्छिमिल्लेणं तोरणेणं पुरच्छिमिल्लेणं तिसावाणपडिरूवएणं पच्चोरुहइ । २ हत्थपायं पक्खालेइ, २ आयंते चोक्खे परमसुइभूए एगं महं सेयं रययामयं विमलं सलिलपुण्णं मत्तगयमुहागिइकुंभसमाणं भिंगारं पगेण्हइ । २ जाई तत्थ उप्पलाई जाव सयसहस्स. पत्ताई ताई गेण्हइ २ नंदाओ पुक्खरिणीओ पचोरुहइ २ जेणेव सिद्धायतणे तेणेव पहारेत्थ गमणाए ।
४४ तए णं (तं सूरियाभं देवं ) चत्तारि य सामाणियसाहस्सीओ जाव सोलस आयरक्खदेवसाहस्सीओ अन्ने य बहवे सूरियाभ जाव देवीओ य अप्पेगइया देवा उप्पलहत्थगया जाव सयसहस्सपत्तहत्थगया सूरियाभं देवं पिट्टओ २ समणुगच्छति । तए णं तं सूरियाभं देवं बहवे आभियोगिया देवा य देवीओ य अप्पेगइया कलसहत्थगया जाव अपगइया धूवकडुच्छयहत्थगया हट्टतुट्ट जाव सूरियाभं देवं पिट्टओ समणुगच्छति । तए णं से सूरियाभे देवे चउहिं सामाणियसाहस्सीहिं जाव अन्नेहि य बहूहि य सूरियाभ जाव देवेहि य देवीहि य सद्धिं संपरिबुडे सविडीए जाव नाइयरवेणं जेणेव सिद्धायतणे तेणेव उवागच्छइ । २ सिद्धायतणं पुरथिमिल्लेणं दारेणं अगुपविसइ, २ जेणेव देवच्छंइए, जेणेव जिणपडिमाओ, तेणेव
