________________
रायपसेणियसुत्त
सीसघडीओ, तवणिजमईओ केसंतकेसभूमीओ, रिट्टामया उवरि मुद्धया । तासिं णं जिणपडिमाणं पिट्रओ पत्तय २ छत्तधारगपडिमाओ पन्नत्ताओ । ताओ णं छत्तधारगपडिमाओ हिमरययकुंदेंदुप्पगासाई सकारंटमल्लदामाई धवलाई आयवत्ताई सलीलं धारेमाणीओ २ चिति । तासिं णं जिणपडिमाणं उभओ पासे पत्तेयं २ चामरधारपडिमाओ पण्णत्ताओ । ताओ णं चामरधारपडिमाओ नाणामणिकणगरयणविमलमहरिह जाव सलीलं धारेमाणीओ २ चिटुंति । तासिं णं जिणपडिमाणं पुरओ दो दो नागपडिमाओ भूयपडिमाओ जक्खपडिमाओ कुंडधारपडिमाओ सव्वरयणामईओ अच्छाओ जाव चिट्ठति । तासिं. गं जिणपडिमाणं पुरओ अट्ठसय घंटाणं अट्ठसयं कलसाणं अट्ठसयं भिंगाराणं एवं आयंसाणं थालाणं पाईणं सुपइट्ठाणं मोगुलियाणं वायकरगाणं चित्तगराणं रयणकरंडगाणं हयकंठाणं जाव उसभकंठाणं पुष्फचंगेरीणं जाव लोमहत्थचंगेरीणं पुप्फपडलगाणं तेल्लसमुग्गाणं, जाव अंजणसमुग्गाणं अट्ठसयं धूवकडुच्छुयाणं संनिक्खित्तं चिट्ठति । सिद्धायतणस्स णं उवरिं अट्ठमंगलगा झया छत्ताइच्छत्ता ।
४० तस्स णं सिद्धायतणस्स उत्तरपुरच्छिमे णं एत्थ णं महेगा उववायसभा पण्णत्ता । जहा सभाए सुहम्माए तहेव जाव मणिपेढिया अट्ठायणाई देवसयणिज्जं तहेव सयणिजवण्णओ, अट्टमंगलगा झया छत्ताइच्छत्ता। तीसे णं उववायसभाए उत्तरपुरच्छिमेणं एत्थ णं महेगे हरए पण्णत्ते । एगं जायणसयं आयामेणं, पन्नासं जायणाई विक्खंभेणं, दसजोयणाई उन्हेणं, तहेव । तस्स णं हरयस्स उत्तरपुरच्छिमे णं एत्थ णं महेगा
