________________
(સંપાદકીય નિવેદનો
Immun
IIIIII
અનાદિ સંસારમાં જીવોના પરિભ્રમણના કારણરૂપ કર્મનું સ્વરૂપ અકળ અને અગમ્ય છે છતાં સર્વજ્ઞ પરમાત્માઓએ કેવલજ્ઞાન દ્વારા જોયેલા અને વર્ણવેલા તે કર્મોનું વિશદ વર્ણન ગણધરભગવંતોએ આગમગ્રંથોમાં ગુંચ્યું છે.
આ અગાધ જ્ઞાનના સમુદ્રરૂપ શાસ્ત્રોમાં અલ્પબુદ્ધિ અને અલ્પાયુષ્યવાળા જીવો અવગાહી ન શકે તે હેતુથી કર્મના સ્વરૂપને જાણવાની જિજ્ઞાસાવાળા જીવોના ઉપકાર માટે પૂર્વાચાર્યો-મહર્ષિઓએ કર્મવિષયક અનેક ગ્રંથો બનાવ્યા છે.
તે પૂર્વાચાર્યોમાંના તપસ્વી હીરલા પૂ. આ. ભ. જગચંદ્રસૂરીશ્વરજીના શિષ્ય પૂ. આ. ભ. દેવેન્દ્રસૂરીશ્વરજી મહારાજાએ નવ્ય પાંચ કર્મગ્રંથો બનાવ્યા છે.
જો કે પ્રાચીન કર્મગ્રંથો પણ પૂર્વાચાર્યોના બનાવેલ છે. તે હમણા ગાથાર્થ સાથે પ્રકાશિત થયેલ છે. તેમજ નવ્ય કર્મગ્રંથો વિવેચન સાથે મહેસાણાજૈન શ્રેયસ્કર મંડળ-પં. ભગવાનદાસભાઈ તરફથી, ૫. અમૃતલાલ પુરુષોત્તમ તરફથી પ્રકાશિત થયેલાના આધારે અભ્યાસકવર્ગ અભ્યાસ કરે છે.
વળી આ નવ્ય કર્મગ્રંથો સવિસ્તૃતવર્ણન સાથે પં. ધીરૂભાઈ તથા પૂ. રમ્યગુણાશ્રીજી મ.ના ઉપદેશથી પ્રકાશિત થયેલ છે.
આ કર્મગ્રંથોમાં સપ્તતિકા કર્મગ્રંથ મહેસાણા સંસ્થા સિવાય કોઈનો પ્રકાશિત થયેલ નહી હોવાથી અને ભાંગાની સંખ્યા અને તેના ઉપર સત્તાસ્થાનો અભ્યાસકવર્ગને સરળતાથી સમજાય તો અધ્યયન કરવામાં સુલભતા રહે તે ઉદેશથી મેં પ્રથમ સપ્તતિકા ગ્રંથનું સંપાદન કર્યું અને પ્રકાશિત કરવામાં આવ્યો.
