________________
૫૨
બંધસ્વામિત્વનામા તૃતીય કર્મગ્રંથ
આ રીતે ક્ષાયિક સમ્યક્ત્વ માર્ગણામાં(૧) એક ભવ કરનારને-આયુષ્યનો બંધ ન ઘટે.
ન
(૨) ત્રણ ભવ કરનારને બીજા ભવે ચોથા ગુણમાં દેવભવમાં મનુષ્યાયુષ્યનો બંધ ઘટે.
(૩) ચાર ભવ કરનારને ચોથા ગુણમાં દેવ અને મનુષ્યાયુષ્યનો બંધ ઘટે. (૪) પાંચ ભવ કરનારને કર્મસ્તવની જેમ ચોથા ગુણમાં મનુષ્યાયુષ્ય અને ૪ થી ૭ ગુણમાં દેવાયુષ્યનો બંધ ઘટી શકે. તેથી પાંચ ભવ આશ્રયી કર્મસ્તવની જેમ બંધ જાણવો.
મિથ્યાત્વાદિ માર્ગણામાં બંધસ્વામિત્વ
મિથ્યાત્વ, સાસ્વાદન સમ્યક્ત્વ, મિશ્ર સમ્યક્ત્વ, દેશવિરતિ અને સૂક્ષ્મસંપરાય ચારિત્ર માર્ગણામાં પોતપોતાનું એક જ ગુણસ્થાનક હોય છે એટલે પોતાના નામવાળુ ગુણસ્થાનક હોય અને ત્યાં ઓધબંધ જાણવો. મિથ્યાત્વ માર્ગણામાં ૧૧૭, સાસ્વાદન માર્ગણામાં ૧૦૧, મિશ્ર સમ્યક્ત્વમાં ૭૪, દેશવિરતિ માર્ગણામાં ૬૭ અને સૂક્ષ્મ સંપરાય ચારિત્ર માર્ગણામાં ૧૭ પ્રકૃતિનો બંધ જાણવો.
આહારી માર્ગણામાં બંધસ્વામિત્વ
આહાર ત્રણ પ્રકારનો છે. (૧) ઓજાહાર (૨) લોમાહાર અને (૩) કવલાહાર
ઉત્પત્તિસ્થાનમાં કાર્યણશરીર વડે પ્રથમ સમયે આહારગ્રહણ કરે તે ઓજાહાર, ત્વચાદ્વારા આહાર લે તે લોમાહાર આ આહાર શરીરધારીને સતત હોય છે. અને મુખદ્વારા આહાર લે તે કવલાહાર કહેવાય. ત્રણમાંથી કોઈપણ આહાર હોય તેને આહારી કહેવાય.
આહારી માર્ગણામાં ૧ થી ૧૩ ગુણસ્થાનક હોય. ચૌદમા ગુણમાં શરીર અને યોગવ્યાપાર ન હોવાથી આહારીપણું ન હોય.
