________________
30
બંધસ્વામિત્વનામા તૃતીય કર્મગ્રંથ
બે ગુણ૦ની વિવક્ષા કરી છે અને મનયોગમાં ૧ થી ૧૩ ગુણ૦ની વિવફા કરી છે. પરંતુ અહીં તે વિવક્ષાએ ગુણસ્થાનકની અપેક્ષા રાખી બંધસ્વામિત્વ લખેલ નથી.
પરંતુ મનયોગ અને વચનયોગ સહિતના કાયયોગ અને મનયોગ સહિતના વચનયોગની વિવક્ષા કરી છે અને તે પ્રમાણે બંધસ્વામિત્વ ગ્રંથકારે જણાવેલ છે. માટે ઓઘબંધ સમજવો.
હવે કાયયોગના સાત ભેદ છે. તેમાં પ્રથમ કાયયોગ માર્ગણામાં બંધસ્વામિત્વ મનુષ્યની જેમ છે, કારણકે ઔદારિક શરીર મનુષ્ય અને તિર્યંચને હોય છે. તેથી મનુષ્યની જેમ ૧ થી ૧૩ ગુણ૦ અને બંધ જાણવો. ઔદારિક કાયયોગવાળાને ચૌદમુ ગુણ૦ હોય નહીં. કારણકે તે અયોગી છે.
હવે દારિક મિશ્રયોગ માર્ગણાને વિશે બંધસ્વામિત્વપણું કહેવામાં આવશે, તે ઔ૦ મિશ્રયોગ ક્યારે હોય અને ક્યા ગુણ હોય તે કહે છે.
(૧) ઔ૦ મિશ્રયોગ મનુષ્ય તિર્યંચને ઉત્પત્તિના બીજા સમયથી સ્વયોગ્ય સર્વ પર્યાપ્તિ પૂર્ણ કરે ત્યાં સુધી.
કેટલાક આચાર્યોના મતે શરીરપર્યાપ્તિ પૂર્ણ થાય ત્યાં સુધી.
(૨) આ ગ્રંથકારના મતે મનુષ્ય આહારક શરીર બનાવે ત્યારે અને મનુષ્ય-તિર્યંચો વૈક્રિય શરીર બનાવે ત્યારે નવા શરીરનો મિશ્રયોગ હોય છે એમ માને છે. મિશ્ર માનતા નથી પરંતુ સિદ્ધાંતના મતે નવું ઉત્તર શરીર બનાવે ત્યારે તેનો (એટલે આહારક મિશ્ર અને વૈક્રિય મિશ્ર) મિશ્રયોગ ન હોય પરંતુ ઔદારિક મિશ્રયોગ હોય તેમ માને છે. કારણકે જેના અવલંબનથી નવું શરીર બને તેનો મિશ્ર હોય તેમ માને છે. માટે ઔમિશ્રયોગ કહે છે.
(૩) કેવલી સમુદ્ધાતમાં ૨,૬,૭ સમયે ઔ૦ મિશ્રયોગ હોય.
