________________
બંધસ્વામિત્વનામા તૃતીય કર્મગ્રંથ
જિનનામના બંધને યોગ્ય અધ્યવસાયનો અભાવ હોવાથી તથાસ્વભાવે જિનના બાંધતા નથી. જિનનામની સત્તાવાળો જીવ પંકપ્રભાદિ ૪ નરકમાં ઉત્પન્ન થતા નથી. તેમજ જિનનામ બંધાતું નથી. તેથી ૧ થી ૩ નરકમાં નહી બંધાતી ૧૯ અને આ બે એમ કુલ ૨૧ પ્રકૃતિનો બંધ ન હોવાથી સાતમીનારકીને ઓલ્વે ૯૯ પ્રકૃતિઓ બંધાય છે.
મિથ્યાત્વ ગુણઠાણે સાતમી નારકીના જીવો મનુષ્યદ્ધિક અને ઉચ્ચગોત્ર વિના ૯૬ પ્રકૃતિ બાંધે છે. આ ૩ પ્રકૃતિ પુણ્ય પ્રકૃતિ હોવાથી વિશુદ્ધ અધ્યવસાયે બંધાય છે. તેવા પ્રકારના વિશુદ્ધ અવ્યવસાય સાતમી નારકીના જીવને ત્રીજા અને ચોથા ગુણઠાણે આવે છે. મિથ્યાત્વ અને સાસ્વાદન ગુણઠાણે તેવા પ્રકારની વિશુદ્ધિનો અભાવ હોવાથી મિથ્યાત્વે મનુષ્યદ્ધિક અને ઉચ્ચગોત્ર એમ ૩ પ્રકૃતિ બંધાતી નથી. તેમજ
સાતમી નારકીના જીવો મરીને તિર્યંચગતિમાં જ ઉત્પન્ન થાય છે. મનુષ્ય થતા નથી. તેથી જ્યાં સુધી તિર્યંચગતિ પ્રાયોગ્ય બંધ થતો હોય ત્યાં સુધી મનુષ્યગતિ પ્રાયોગ્ય બંધ થાય નહી માટે મિથ્યા૦ અને સાસ્વાદને મનુષ્યદ્ધિક અને ઉચ્ચગોત્ર બાંધતા નથી, તિર્યંચગતિની સાથે નીચગોત્રનો બંધ થાય છે. પરંતુ ઉચ્ચગોત્રનો બંધ હોય નહીં.
સાસ્વાદન ગુણઠાણે તિર્યંચાયુ અને નપુંસક ચતુષ્ક વિના ૯૧ પ્રકૃતિઓનો બંધ હોય છે.
નપુંસક ચતુષ્કનો બંધ મિથ્યાત્વના ઉદયથી થાય છે. મિથ્યાત્વનો ઉદય ૧ લે ગુણઠાણે હોય છે. રજા આદિ ગુણઠાણે મિથ્યાત્વનો ઉદય ન હોવાથી આ ૪ પ્રકૃતિ બંધાતી નથી.
સાતમી નારકીના જીવો પરભવાયુઃ૧ લે ગુણઠાણે બાંધે છે. ૨ જા આદિ ગુણઠાણે તિર્યંચાયુના બંધને યોગ્ય પરિણામ ન હોય માટે તિર્યંચાયુનો બંધ ન હોય, તેથી પ્રથમ ગુણ૦માં જ તિર્યંચા, બંધાય છે.
