________________
કર્મસ્તવતા અભ્યાસમાં કંઈક ઉપયોગી
સર્વજીવો પ્રથમ અનાદિકાળથી નિગોદમાં જ હોય છે. ♦ નિગોદમાં અનાદિથી મિથ્યાર્દષ્ટિ ગુણ૦ હોય. એટલે સર્વજીવો અનાદિકાળથી મિથ્યાદૃષ્ટિ ગુણસ્થાનકવાળા સમજવા.
♦ કેટલાક નિગોદના જીવો અનાદિ અનંતકાળવાળા નિગોદરૂપે છે. કેટલાક નિગોદનાં જીવો અનાદિ સાન્ત કાળવાળા નિગોદરૂપે જાણવા. કેટલાક નિગોદના જીવો વ્યવહાર રાશિમાં આવી ફરી નિગોદમાં ગયેલાં હોય તે સાદિસાન્ત નિગોદ કહેવાય છે.
સૂક્ષ્મ જીવો, સાધારણ વન. લબ્ધિ અપર્યાપ્તા મનુ.તિર્યંચ જીવોને મિથ્યાત્વ ગુણજ હોય છે.
♦ અનાદિ સૂક્ષ્મનિગોદ જીવોને અવ્યક્ત મિથ્યાત્વ કહેવાય છે. અભવ્ય અને જાતિભવ્યને મિથ્યાત્વ અનાદિ અનંત હોય છે. જીવનો એક પુદ્ગલ પરાવર્ત કરતાં ઓછો કાળ સંસાર બાકી હોય ત્યારે ધર્મ શબ્દની રૂચિ થઈ શકે છે. તેને આદિ ધાર્મિક કહેવાય છે. મિથ્યાદૃષ્ટિ જીવોને આઠ દૃષ્ટિમાંથી જીવવિશેષે-મિત્રા-તારા-બલાદીપ્રા એ ચાર દૃષ્ટિ હોઈ શકે.
