Page Text
________________
90
પુણ્યતત્વ
કર્મના ઉદયથી જે ખરાબ શરીર મળેલું હોય તેને તેનાથી સારું બનાવવા અનેકવાર પ્રયત્નો કરે છતાં પણ ખરાબને ખરાબ જ શરીર બનતું જાય છે. એ નારકીના શરીરના ટુકડે ટુકડા કરેલા હોય છતાં પારાની જેમ તરત જ ભેગું થઇ જાય. એ ટુકડાઓમાં આત્મપ્રદેશો રહેલા હોય છે માટે વેદના થાય પણ કળ વળે કે તરત જ દોડવા માંડે. આથી વેદના એ જીવોને એટલા પૂરતી હોય છે. જગતને વિષે વક્રીય શરીરવાળા મનુષ્યો હંમેશા હયાત હોય છે. કોઇ કાળે એનો વિરહકાળ હોતો નથી. એ વૈક્રીય શરીરમાં આપણા શરીરની જેમ અશુચિ પદાર્થો હોતા નથી. રાવણના કાળમાં વાલી રાજા હતા. તેઓને વક્રીય લબ્ધિ પ્રાપ્ત થયેલી તેના કારણે રોજ વક્રીય શરીર કરીને જંબુદ્વીપમાં રહેલા શાશ્વતા જિનમંદિરોના દર્શન કરવા જતાં હતા. જ્યારે રાવણની સાથે યુદ્ધ થયું અને રાવણ હાર્યો ત્યારે તેને પકડીને બગલમાં ઘાલીને જંબુદ્વીપની એકવીશવાર પ્રદક્ષિણા આપેલ અને કહ્યું કે બોલ આ લવણ સમુદ્રમાં નાંખુ? રાવણે “મિચ્છામિ દુક્ક માગ્યો માટે તેને છોડી દીધો છે. આ શક્તિનો ઉપયોગ આ રીતે કર્મખપાવવા માટે કરતા હતા. હૈયામાં દયાનો પરિણામ જીવંત છે. માત્ર શિક્ષા કરવા પુરતું જ વે છે. વૈક્રીયા લબ્ધિવાળા મનુષ્યો ઠેઠ તેરમાં રૂચક દ્વીપ સુધી જઇ શકે છે અને પાછા આવી શકે છે. અત્યારે આ ભરતક્ષેત્રમાં પણ વૈતાદ્ય પર્વત ઉપર રહેલા વિધાધર મનુષ્યો છે તેઓને આ લબ્ધિ હોય છે અને આ રીતે તેઓ ઉપયોગ કરી શકે છે. આ શરીરની ગતિ આજના વિમાનોની ગતિ કરતાં કઇ ગણી અધિક હોય છે. ઠેઠ રૂચક દ્વીપે ત્રણ પગલામાં પહોંચી જાય અને બે પગલામાં પાછા આવી જાય છે. આવી લબ્ધિઓ. પ્રાપ્ત થાય તો શાસન માટે ઉપયોગ કરી શકાય બાકી નિષેધ છે.
આપણું ઓદારીક શરીર માત્ર કવલાહારથી ચાલતું નથી પણ રોમાંહારથી અનંતા અનંતા પુદ્ગલો ગ્રહણ કરી પરિણામ પમાડીએ છીએ એનાથી ચાલે છે. અને સમતુલા જળવાય છે. એ જ રીતે વૈક્રીયા શરીરવાળા જીવો, વૈક્રીય વર્ગણાના પુગલોને અનંતા અનંતા ગ્રહણ
| SR No. | 023038 |
| Book Title | Punyatattva |
| Original Sutra Author | N/A |
| Author | Narvahansuri |
| Publisher | Padarth Darshan Trust |
| Publication Year | 2003 |
| Total Pages | 140 |
| Language | Hindi |
| Classification | Book_Devnagari |
| File Size | 11 MB |