________________
*
*
*
માગની તથા ચારે બહેનના વૈરાગ્યની પ્રશંસા કરવા લાગ્યા. ગુરુદેવની વાણીમાં વૈરાગ્ય ભાવના અને તપશ્ચર્યાની એવી તે ઝલક રહેતી કે સૌ શ્રોતાજને પ્રભાવિત થઈ જતા અને ઘણાએ હૈયાના દુઃખદર્દો શાંત થઈ જતા. અહીંથી વિહાર કરી પૂજ્યશ્રી શંખેશ્વરજી તીર્થમાં પધાર્યા. અહીં ચિત્ર માસની શાશ્વતી ઓળીની વિધિવિધાનપૂર્વક સુંદર આરાધના કરાવી.
શ્રી સમીના સંઘને ૨૦૦૬ ના ચાતુર્માસ માટે ઘણો આગ્રહ હોવાથી પૂજ્યશ્રીએ વિનતિને સ્વીકાર કર્યો. સંવત ૨૦૦૬ ના અષાડ સુદમાં શુભ દિવસે ગુરુદેવ સપરિવાર સમી પધાર્યા, સંઘે ભવ્ય સ્વાગત કર્યું. ૨૦૦૬ નું ચાતુર્માસ આનંદપૂર્વક સમીમાં કર્યું, તપશ્ચર્યા ઘણુ થઈ ઉપજ પણ સારી થઈ, શાસન પ્રભાવનાના કાર્યો પણ સારાં થયાં. ગુરુદેવે ઉપદેશ આપી પાઠશાળા માટે સારું ફંડ કરાવ્યું. સમીથી ૨૦૦૭ ના પિષ શુદમાં વિહાર કરી પૂજ્યશ્રીના પ્રાણપ્યારા તીર્થ શ્રી શંખેશ્વરજી પધાર્યા. યાત્રા કરી વિહાર કરી પ્રતિષ્ઠા નિમિત્તે બજાણા પધાર્યા. મહા સુદિ ૧૦ ના રોજ પૂજ્યશ્રીએ પ્રતિષ્ઠા કરાવી. પ્રતિષ્ઠા નિમિત્તે અઠ્ઠાઈ મહત્સવ, શાન્તિનાત્ર તથા સ્વામીવાત્સલ્ય વગેરે શુભ કાર્યો થયાં. અહીંથી વિહાર કરી ગુરુદેવ ઉપરિયાળા તીર્થ પધાર્યા.
૧૫૫
.
