________________
લગ્ન]
'
૧૯
છૂટથી બેલાતું હતું. જો કે આપણું ખુશાલચંદ ખેાળામાં વર્યા ન હતા, પણ લગભગ ૧૨-૧૩ વર્ષની ઉંમરના થયા ત્યારે જ સગપણથી જોડાયા હતા.
ખુશાલચંદને શાળાને અભ્યાસ ચાલું હતું. તેમની ઝળકતી કારકીર્દિ આગળ વધતી જતી હતી. એગ્ય સમય આવતાં બન્ને પક્ષે લગ્નની તૈયારીઓ થવા માંડી. ખુશાલચંદનું લગ્ન તેમનાં કુટુંબમાં છેલ્લું જ હતું, કારણ કે ખુશાલચંદ સહુથી નાના હતા, એટલે ભાઈઓને એ લગ્ન પૂરા ઠાઠથી કરવાને ઉત્સાહ જાગે. તે નિમિત્ત મોટા મંડપ બંધાયા, સુરતનું પ્રખ્યાત રઝાક બેન્ડ આવ્યું ને સગાંવહાલાં તથા નાતીલાને જમણે અપાયાં. ઉપરાંત પ્રસિદ્ધ ગવૈયાઓને બેલાવી યુગાદિજિનમંદિરમાં ભારે પૂજાઓ ભણાવવામાં આવી. સગાંવહાલાંઓએ પણ અવસરને ઓળખી ખુશાલચંદને ખાસ નિમંત્રણે આપ્યાં ને દિવસે સુધી મોટું મીઠું કરાવ્યું. હવે પછી જે સંસારસુખમાણવાનું હતું, તેને એ પૂર્વ સંકેત તે નહિ હોય?
સં. ૧૯૭૪ના કારતક વદિ ૧૧ના દિવસે ખુશાલચંદ આધારદેવી સાથે લગ્નથી જોડાયા અને કુટુંબમાં ભારે ખુશાલી વ્યાપી. વરવધૂ બને સુયોગ્ય હતાં. કુટુંબીઓએ અશીર્વાદ આપ્યા. તે વખતે કન્યાઓને તુરત સાસરે વળાવવામાં આવતી ન હતી, એટલે લગ્ન થવા છતાં ચાલુ વિદ્યાભ્યાસમાં કશી હરકત આવી ન હતી. પ્રિય પાઠકે! ખુશાલચંદને વિદ્યાપ્રેમ જે વહુઅટક્યો આગળ વધી રહ્યો હતો, તેનું હવે અવલોકન કરીએ.
