________________
૭૪
જીવનપરિયા વિહાર કરી રાધનપુર પધાર્યા. પૂજ્ય મોટા ગુરુદેવની ભાવના પૂજ્ય સિ. મ. ઉપાધ્યાય શ્રી પ્રેમવિજયજી મહારાજને આચાર્યપદ અને પૂજ્ય પંન્યાસ શ્રી રામવિજયજી ગણિવરને ઉપાધ્યાયપદ આપવાની હતી, પરંતુ ઉપાધ્યાય મહારાજ નિઃસ્પૃહ હતા, એટલે ભાવના સફળ થઈ ન હતી. આ સંજોગોમાં રાધનપુરથી શ્રી નવપદજી આરાધનાની તથા પૂજ્ય પં. શ્રી રામવિજયજી ગણિવરને ઉપાધ્યાયપદ આપવાની આમંત્રણ પત્રિકાઓ બહાર પડી અને આ ઉત્સવ પર ખાસ પધારવા માટે રાધનપુરથી શ્રી ઉત્તમચંદ મકનજી મસાલિયા વગેરે વિનંતિ કરવા પાટણ આવી ગયા. તેમને તથા પાટણસ્થિત આપણા પૂજ્ય પંન્યાસજી વગેરેને ખૂબ આગ્રહ થતાં પૂજ્ય ઉપાધ્યાયજી મહારાજે ચૈત્ર સુદિ ૧૧ ની સાંજે પાટણથી વિહાર કર્યો. આ બાબતની રાધનપુર તથા અન્ય સ્થળેએ તારથી ખબર આપવામાં આવી તથા આચાર્ય પદ કરવા માટેની સાગ્રહ વિનંતિ કરવામાં આવી. તેઓશ્રી સુદિ ૧૪ ના રોજ સવારે રાધનપુર પધારી જશે, એવું સહનું અનુમાન હતું, પણ ઝડપી વિહારને કારણે તેઓશ્રી સુદિ ૧૩ ના દિવસે જ રાધનપુર પધાર્યા, કે જ્યારે સારે યે સંઘ શ્રી મહાવીર પ્રભુનાં જન્મકલ્યાશુકના ભવ્ય વરઘોડામાં ભાગ લઈ રહ્યો હતો. આ વખતે પૂજ્ય ગુરુદેવની પધરામણીના સમાચાર મળતાં સંઘને અતિ હર્ષ થયો અને તેણે ખૂબ ધામધૂમથી તેમને પ્રવેશ કરાવ્યું. પછી તુરતજ તેઓશ્રીને આચાર્યપદે આરૂઢ કરવાના તારો ગામે ગામ છુટી ગયા.
