________________
૧૭૨
આ. દેવશ્રી યશોભદ્રસૂરીશ્વરજી મ. સા.ની
અહીંથી પૂજ્યશ્રી તલાજા પધાર્યા અને ત્યાંથી મહુવાની પુણ્યભૂમિને સ્પશી પાલીતાણા પધારતાં શ્રી શત્રુંજયગિરિરાજની યાત્રા કરી ઘણા વર્ષે દાદાના દર્શન થયાં.
પાલીતાણથી રાજકોટ એરબી કચ્છનું રણ વટાવી પૂજ્યશ્રી કટારીયા પધાર્યા. કટારીયામાં સુંદર સામૈયું થયું. ત્યાં થોડા દિવસ સ્થિરતા કરી.
અંજાર, ભુવડ થઈને માહ સુદિ ૫ ના પૂજ્યશ્રી ભદ્રેશ્વરજી (વસઈ તીર્થ) પધાર્યા હતા. ત્યાં આંગી પૂજા, પ્રભાવના આદિ કાર્યો જુદી જુદી વ્યક્તિઓ તરફથી થયાં હતાં. મુનીમ શ્રી નેમચંદભાઈ તથા મુનિમ શ્રી શશિકાંતભાઈ એ સર્વ વ્યવસ્થા કરવામાં ભારે ઉત્સાહ દાખવ્યો હતો. પૂજ્યશ્રીના સંસારી બહેન પૂ. સાધ્વીજીશ્રી વિદ્યુતપ્રભાશ્રીજી મ. પૂજ્યશ્રીનાં દર્શન કરવા માટે માંડવીથી વિહાર કરીને અહીં બે દિવસ અગાઉ આવી ગયા હતા.
આ તીર્થનું સૂક્ષ્મ નિરીક્ષણ કરી પૂજ્યશ્રીએ આનંદ અને સંતોષ વ્યક્ત કર્યો હતો. અહીં પૂજ્યશ્રીને વંદન કરવા માટે અનેક મહાનુભાવો આવી પહોંચ્યા હતા, જેમાં મુંબઈથી પધારેલ સુથરીવાલા શ્રી શામજીભાઈ હંસરાજ (ભૂ ધુ શેઠ), શ્રી લક્ષ્મીચંદભાઈ દોસત, શ્રી નરશીભાઈ પાશુ તથા ભુજપુરથી પધારેલ પંડિત આણંદજીભાઈ દેવશી, તાલુકા પંચાયતના પ્રમુખ શ્રી મગનલાલ વેલજી વગેરે મુખ્ય હતા.
