________________
આમુખ
મધ્યકાલીન ગુજરાતી સાહિત્યની વિપુલ સમૃદ્ધિ જુદા જુદા ગ્રંથભંડારોમાં હસ્તપ્રતરૂપે જોવા મળે છે. આવી હસ્તપ્રતોમાંથી કેટલાંક કાવ્યો તારવીને અહીં પ્રગટ કર્યા છે. આ કૃતિઓમાં પ્રભુભક્તિ અને પિયુમિલનની આરત જોવા મળે છે. કેટલાંક કાવ્યોમાં બોધ છે, તે “ભીલી ગીત” જેવાં કાવ્યોમાં પ્રસંગનું આલેખન છે. નિશાળમાં કક્કો કઈ રીતે શીખવવામાં આવતા તેનો ખ્યાલ “ભલે મોટી ” પરથી આવે છે, જ્યારે “અણખીયા' એ લોકસાહિત્યનું એક સ્વરૂપે રજૂ કરે છે.
આવી વૈવિધ્યપૂર્ણ કૃતિઓ અહીં રજૂ કરી છે. ભાષાનું એ સમયનું રૂપ જાળવ્યું હોવાથી ક્યાંક અશુદ્ધિ કે અર્થની અસંગતતા પણ જોવા મળે છે, આમ છતાં આમાંની કેટલીક કૃતિઓ તો ગુજરાતી કવિતા-સાહિત્યમાં સ્થાન મેળવે તેવી છે.
આ પુસ્તકના પ્રકાશનમાં શ્રી યશોવિજય જૈન ગ્રંથમાળાની આર્થિક સહાયનું કૃતજ્ઞતાથી સ્મરણ કરું છું. આશા છે કે આ સંપાદન જિજ્ઞાસુઓને ઉપયોગી બનશે.
ચંદ્રનગર સોસાયટી,
કુમારપાળ દેસાઈ
અમદાવાદ-૩૮ ૦ ૦ ૦૭
