________________
ને તત્વજ્ઞાનાત્ પર શ્રેયઃ |
આગમના અણમોલ રત્નોની એક માળા આપણી વરમાળા બની રહી છે. સર્વલબ્લિનિધાન શ્રીસુધર્માસ્વામી જાણે સ્વયં આપણી સમીપતમ આવી રહ્યા છે. અમૃતની પ્યાલી જાણે કોઈએ હોઠે અડકાવી દીધી છે...
તત્ત્વના પરમ રહસ્યો...એ ય સરળ ગુજરાતીમાં એ ય રસાળ શૈલીમાં.એ ય પ્રાસપૂત પદ્યબંધમાં...આનંદો...
ગૌરવની વાત તો એ છે કે આ બેનમુન રચના કોઈ આચાર્ય ભગવંત કે ઉપાધ્યાય ભગવંતે નથી કરી. આ રચના કરી છે એક શ્રાવકે...ગાજે ગાજે છે મહાવીરનું શાસન...
તત્ત્વપિપાસુ પુણ્યાત્માઓને આ પીયૂષપાન કરવા માટે ના પ્રેરણા કરવાની જરૂર છે, ન આમંત્રણની. બસ, ભાવભીના હૈયે તેમનું સ્વાગત કરું છું. હાર્દિક સ્વાગત.
આનંદ-ઉત્સવના આ માંડવે યાદ આવે છે મારા પ્રશિષ્ય મુનિરાજશ્રી ધર્મપ્રેમવિજયજી મ.સા, જેમણે મુફવાંચનાદિ દ્વારા સુંદર શ્રુતભક્તિ કરી...વિરતિગ્રાફિકસ - શ્રી અખિલેશભાઈ...જેમની અક્ષરાંકનની કળાએ રંગ રાખ્યો...શિવકૃપા ઑફસેટ - શ્રીભાવિનભાઈ - શ્રીરીતેશભાઈ જેમણે મુદ્રણની સુઘડતા માટે દિલથી કાળજી કરી.
જિનવાણીનું આ અમૃત વિશ્વમાં અમરતાનું પ્રસારણ કરે એ જ શુભેચ્છા સાથે વિરમું છું. જિનાજ્ઞાવિરુદ્ધ લખાયું હોય તો મિચ્છામિદુક્કડં. પ્રભુવીરતીર્થ શ્રી પરિમલ જૈન સંઘ પાલડી, અમદાવાદ.
ગુણિનામનુચર ફા.સુ. ૭, વિ.સં. ૨૦૭૦
આ. કલ્યાણબોધિસૂરિ
૩