________________
આવકાર વચન
શ્રીચન્દ્ર કેવલી રાસ એક માણવા જેવી રચના છે. આચાર્ય જ્ઞાનવિમલ સૂરિ મહારાજ ખૂબ નિખાલસતા ધરાવે છે, સાથે સાથે ખૂબ જ અનુકરણીય કક્ષાનો ગુણાનુરાગ છે. તેઓ પ્રારંભમાં જ લખે છે :
બુદ્ધિહીણ છું આળસુ, પણ પ્રેરે મુજ તેહ, તેણે હેતે ઉદ્યમ કરું, ઉત્તમ ગુણસું નેહ. ૧૮ ‘બુદ્ધિહીન’ એ વાક્ય નથ્રૂ વચન કહીએ, તો પણ ઉત્તમ જનોનાં ગુણનો અનુરાગ તેમનામાં દેખાય છે. કદાચ તેઓમાં પણ ગુણો હોય છતાં ગુણોનો નેહ, અનુરાગ જ તેમની પ્રેરયિત્રી છે. તેનાથી પ્રેરિત થઈને જ તેઓ આ રાસ રચવાનો ઉદ્યમ કરે છે.
માણસે જીવનમાં ગુણો કેળવેલા હોય કે નહીં, પણ તેણે ગુણાનુરાગને તો કેળવવો જ જોઈએ.
આખો રાસ વાર્તા કથનની દૃષ્ટિએ સ્વાદુ સ્વાદુ પુરઃ પુરઃ જેમ વાંચતા જાવ, તેમ તેમ પછી શું? પછી શું ? એવી ઉત્તરોત્તર જિજ્ઞાસાની વાર્તારસની ખાણ જેવો છે.
લખવાની બહુ અનુકૂળતા ન હોઈ આ વાતમાં આટલેથી જ અટકુ છું. શ્રાવક ભીમસિંહ માણેકની પ્રસ્તાવના આ સાથે આપી છે એટલે વિશેષ લખવાની જરૂર પણ નથી.
પોષ વદિ પાંચમ, વિ.સં. ૨૦૬૬ સુલસા રો હાઉસ, આંબાવાડી,
અમદાવાદ-૧૫
એ જ લિ.
પ્ર
શ્રુતલાભ
આ શ્રીચંદ્નકેવલી વ્યાસ (ભાગ ૧-૨) ના મુદ્રણનો સંપૂર્ણ લાભ મેમન, અમદાવાદના શ્રી સુમતિનાથ શ્વેતાંબર મૂર્તિપૂજક સંઘે લીધો છે તે ખૂબ અનુક૨ણીય છે.
