________________
३४६
ચતુર્થસ્તુતિકુયુક્તિનિર્ણયછેદનકુઠાર ताहे अणुपेहंती गुरुणा सह पच्छा देवसियं ॥८॥ जा देवसियं दुगुणं चिंतेइ गुरु अहिंडओ चिटुं । बहुवावारा इयरे एगगुणंता विचिंतिति ॥९॥ मुहणंतयपडिलेहणमाईज्जं तत्थ जे अइयारा । कंटकमग्गुवमाए धरंति तेणेव चरित्तंमि ॥१०॥ संवेगसमावन्ना विसुद्धचित्ता चरित्तपरिणामा । चारित्तसोहणट्ठा पच्छाऊ कुणंति ते एयं ॥११॥ नमुक्कार चउव्वीसग किइकम्मालोयणं पडिक्कमणं । किइकम्मदुरालोइय दुप्पडिक्कंते य उस्सग्गो ॥१२॥ सूयागाहा ॥ उस्सग्गसमत्तीए नवकारेण महत्तेउ पारंति । चउवीसग त्तिदंडं पच्छा कटुंति उवउत्ता ॥१३॥ संडासं पडिलेहिय उवविसिय तओ उणवरि मुहपत्तिं । पडिलेइओ पमज्जिय कायं सव्वेवि उवउत्ता ॥१४॥ किइकम्मं वंदणयं परेण विणयेण तो पउंजंति । सव्वप्पगारसुद्धं जहभणियं वीयरागेहिं ॥१५॥ आलोयणवागरणस्स पुच्छणे पूयणंमि सज्झाय । अवराहे य गुरुओ विणयमूलं च वंदणयं ॥१६॥ वंदितु तओ पच्छा अद्धावणया जहक्कमेणं तु । उभयकरधरियलिंगा ते आलोयंति उवउत्ता ॥१७॥ परिचिंतिएइयारे सुहुमेवि य भावओ वि ओव्विग्गा । अह अप्पसुद्धिहेऊं विसुद्धभावा जओ भणियं ॥१८॥ विणयेण विणयमूले गंतूणायरियपायमूलंमि । जाणविज्जा सुविहिओ जह अप्पाणं तह परंपि ॥१९॥ कयपावो वि मणूसो, आलोइय निंदिओ गुरुसगासे । होइ अइरेगलहुओ ओहरियभरुव्वभारवहो ॥२०॥
