________________
આખરે ચંડરવા શક્તિ વડે મને મારીને તેણે પૃથ્વી ઉપર પાડી દીધો. તે ચંડરવા શક્તિથી હણાઈને, હું સાક્તપુરીમાં માહેન્દ્રોદય નામના ઉઘાનમાં પૃથ્વી ઉપર આળોટતો હતો. તે વખતે અતિ કૃપાળુ એવા શ્રી ભરતરાજા કે જે આપના ભાઈ થાય છે, તેમણે મને જોયો. તરત જ તે શ્રી ભરતરાજા દ્વારા હું સુગંધી જળથી સિંચાયો અને એથી પરગૃહમાંથી ચોર નીકળે તેમ મારામાંથી તે શક્તિ નીકળી ગઈ અને મારો ઘા પણ તરત જ રૂઝાઈ ગયો.”
આથી મારું ચિત્ત વિસ્મિત થયું અને એથી તે ગંદોદકના માહાભ્યને મેં શ્રી ભરતરાજાને પૂછ્યું. મારા પૂછવાથી આપના નાનાભાઈએ કહ્યું કે, “ગજપુરથી વિંધ્ય નામનો એક સાર્થવાહ અહીં આવ્યો હતો. માર્ગમાં તેનો એક પાડો અતિ ભારથી તૂટી પડ્યો. નગરલોક તેના મસ્તક ઉપર પગલું માંડીને ચાલવા લાગ્યું અને એથી મોટા ઉપદ્રવ વડે તે પાડો મરી ગયો. તે પાડો મરીને અકામ-નિર્જરાના યોગથી, પવનપુત્રક નામે શ્વેતકર નગરના અધિપતિ વાયુકુમાર થયો.”
“વાયુનિકોયમાં દેવ બનેલા તે પાડાના જીવે, પોતાના પૂર્વ મૃત્યુને અવધિજ્ઞાનથી જાણ્યું, અને તે જાણીને કોપાયમાન થયેલા તેણે, આ નગરમાં અને દેશમાં વિવિધ પ્રકારના વ્યાધિઓને ફેલાવ્યા. આમ છતાંપણ મારા મામા દ્રોણમેઘ રાજા મારી સરહદમાં રહેતા હોવા છતાંપણ , તેમના ઘરમાં કે દેશમાં તે વ્યાધિ નહિ હતો. આથી મેં તેમને એમ થવાનું, એટલે કે ત્યાં વ્યાધિ નહિ હોવાનું કારણ પૂછ્યું.”
મારા પ્રશ્નનું સમાધાન કરતાં મારા મામા દ્રોણમેઘ રાજાએ હ. કહયું કે, “પહેલાં મારી પત્ની પ્રિયંકરા અતિ વ્યાધિથી પીડાતી હતી.
જ્યારે તેને ગર્ભ રહો ત્યારે ગર્ભના પ્રભાવથી તે વ્યાધિમુક્ત થઈ ગઈ અને પછી ક્રમે કરીને તેણે વિશલ્યા નામની પુત્રીને જન્મ આપ્યો. તારા ૮ દેશની જેમ મારા દેશમાં પણ વ્યાધિનો ઉપદ્રવ ઉત્પન્ન થયો હતો. પણ વિશલ્યાના સ્નાનજળથી લોકોને સિંચન કરાયું અને એ સ્નાનજળનું સિંચન કરવા માત્રથી જ લોકો રોગરહિત થઈ ગયા. એકવાર મેં એ વિષે
( અમોધ વિજયાશક્તિ શ્રી લક્ષ્મણ મૂચ્છ અને જાગૃતિ...૩
