________________
પામ્યો. અત્યંત હસ્તલાઘવતાવાળા અને અનાકુળપણે યુદ્ધ કરનારા તેઓના બાણના આકર્ષણ અને મોક્ષ વચ્ચેનું અંતર જણાતું નહિ. અર્થાત્ તેઓ એટલા વેગથી અને એટલી ચપળતાથી બાણો ખેંચતા અને છોડતા કે તે ક્યારે ખેંચે છે? અને ક્યારે છોડે છે? તે જણાતું નહિ.
લાંબા કાળ સુધી તેઓ લોહમય દેવાધિષ્ઠિત અસ્ત્રોથી લડ્યા. પણ તેઓમાંથી કોઈ જ કોઈનાથી પણ જીતાયું નહિ. એટલે ક્રોધે ભરાએલા ઈન્દ્રજિત અને મેઘવાહને સુગ્રીવ અને ભામંડલ તરફ ઉદ્ધત નાગપાશ અસ્ત્રને છોડ્યું અને એ અસ્ત્રના યોગે સુગ્રીવ અને ભામંડલ નાગપાશથી એવા બદ્ધ થઈ ગયા કે જેથી શ્વાસ લેવામૂક્વાને પણ તેઓ અસમર્થ થઈ ગયા. જો વધુ વખત આ સ્થિતિમાં રહે તો મરણ પામે એવી તે બેની દશા થઈ. વળી આ તરફ સંજ્ઞાને પામેલા કુંભકર્ણે પણ રોષથી શ્રી હનુમાનને ગદા મારી અને એથી શ્રી હનુમાન મૂચ્છિત થઈને પૃથ્વી ઉપર પડી ગયા. તે પછી હાથી જેમ સુંઢ વડે ઉપાડે તેમ કુંભકર્ણો શ્રી હનુમાનને તક્ષક જેવી વાળેલી ભુજાથી ઉપાડ્યા અને પછી શ્રી હનુમાનને કાંખમાં નાંખીને કુંભકર્ણ યુદ્ધભૂમિમાંથી પાછા વળ્યા.
...લંકા વિજય. ભાગ-૪
