________________
ભ૮-૪
..લંક વિજય....
પરસ્ત્રીનું હરણ કરવાનું પાપ કર્યું છે. શ્રીમતી સીતાના સતીત્વને ભ્રષ્ટ કરવા ઉત્સુક બન્યા છે અને તેમનો પુણ્યોદય પણ પરવારવાની તૈયારીમાં છે. એથી જ શ્રી રાવણ સમ્યગૃષ્ટિ છે, છતાં અત્યારે આંતર શત્રુઓની કારમી આધીનતામાં સપડાયા છે. પોતાનો અને પોતાનાંઓનો વિનાશ નજદીક આવ્યો છે. છતાં તેમને સારું સૂઝતું નથી અને સારું બતાવનારાઓ પણ ગમતા નથી.
સમુદ્ર અને સેતુરાજા સાથે યુદ્ધ અને જીત વિદ્યાધરો લડાઈનાં અનેક વાજિંત્રો વગાડે છે. યુદ્ધયાત્રાના વાજિંત્રોના અત્યંત ગંભીર નાદોથી આકાશ પૂર્ણ થઈ ગયું છે, એટલેકે ગાજી રહયું છે. સ્વામીના કાર્યની સિદ્ધિમાં ગર્વવાળા ખેચરો, વિમાનો રથો-અશ્વો હાથીઓ અને બીજા વાહનો દ્વારા આકાશમાર્ગે જઈ રહી છે.
સમુદ્રની ઉપરથી પસાર થતા શ્રી રામચંદ્રજી ક્ષણવારમાં સૈન્ય સહિત | વેલંધર નામના પર્વત ઉપર રહેલા વેલંધરપુર નામના નગર પાસે પહોંચ્યા.
એ નગરમાં સમુદ્ર અને સેતુ નામના બે રાજાઓ સમુદ્ર જેવા 8 દુર્ધર હતા. એ બેય ઉદ્ધત રાજાઓએ, શ્રી રામચંદ્રજીના અગ્રસેચની
સાથે યુદ્ધ કરવાનો આરંભ કર્યો. પરંતુ સ્વામીના કાર્યમાં બુદ્ધિશાળી અને પરાક્રમી વલે સમુદ્રરાજાને અને નીલે સેતુરાજાને એમ બેયને બાંધી લીધા. પછી એ બેયને લાવીને તેઓએ શ્રી રામચંદ્રજીની પાસે હાજર કર્યા. શ્રી રામચંદ્રજી તો દયાળુ છે. એટલે કૃપાળુ એવા શ્રી રામચંદ્રજીએ પાછા તેમને તેમના રાજ્ય ઉપર સ્થાપિત કર્યા. ખરેખર મહાત્ પુરુષો હારેલા દુશ્મન ઉપર પણ કૃપાળુ જ હોય છે. એ
સમુદ્રરાજાએ પણ રૂપથી સુંદર અને સ્ત્રીઓમાં શ્રેષ્ઠ એવી પોતાની ત્રણ N દીકરીઓ શ્રી લક્ષ્મણજીને આપી.
તે રાત્રિ શ્રી રામચંદ્રજીએ ત્યાં જ ગાળી અને પ્રાત:કાળે સમુદ્રરાજા તથા સેતુરાજા એ બેય રાજાઓને પણ સાથે લઈને ત્યાંથી ) શ્રી રામચંદ્રજી પોતાની તમામ સેના સાથે ક્ષણવારમાં સુવેલ પર્વત પર
આવી પહોંચ્યા. જુઓ કે, પુણ્યયોગે સામગ્રી કેવી મળતી જાય છે.
