________________
વિષયભોગોના બીનઅનુભવી પણ સર્વ રીતે યોગ્ય
છે, અશકતીય હોય છે હવે બાળદીક્ષાનો વિરોધ કરતાં મિથ્યાવાદીઓ તરફથી જે એવી દલીલ કરવામાં આવી હતી કે, “વિષયસંગોના અનુભવપૂર્વક યૌવનવયને લંઘી ચૂકેલાઓ, વિષયસંગોનો અનુભવ કરી લીઘેલો હોવાને કારણે, સુખપૂર્વક પ્રવ્રજ્યા પાળી શકે છે અને વિષયાલંબનના કૌતુકથી નિવૃત્ત થયેલા હોવાના કારણે તેઓ સર્વ પ્રયોજનોમાં અશકનીય હોય છે" તેની સામે પણ સમર્થ શાસ્ત્રકાર સુવિહિતશિરોમણી આચાર્ય ભગવાન શ્રીમદ્ હરિભદ્રસૂરીશ્વરજી મહારાજ ઘણી સુંદર વસ્તુ જણાવે છે. તેઓ શ્રી પહેલી વાત તો એ ફરમાવે છે કે “પૂર્વપક્ષવાદીએ બાળદીક્ષાની વિરુદ્ધમાં જે દલીલ કરી છે. તે પણ મારા બાળદીક્ષાના પક્ષમાં ય તુલ્ય છે; કારણકે વિષયસંગોના બીનઅનુભવી એવા પણ કેટલાય આત્માઓ વિષયસંગોને અનુભવી ચૂકેલાના જેવા વિષયાલંબનના કૌતુકથી નિવૃત્ત થયેલા હોય છે,” અર્થાત્ વિષયસુખોને અનુભવી ચૂકેલા જ સારી રીતે પ્રવજ્યાનું પાલન કરી શકે છે એ વગેરે જે જે વાતો પૂર્વ પક્ષવાદીએ બાળદીક્ષાનો વિરોધ કરતા કહી છે, તે વાતો બાળદીક્ષાના પક્ષમાં પણ સમાન જ છે. કારણકે વિષયના સંગોને નહિ અનુભવેલા એવા પણ કેટલા ય પુણ્યાત્માઓ વિષયસંગની વિષમતાના જાણ હોઈને, વિષયાલંબનના કૌતુકથી નિવૃત્તભાવવાળા હોય છે અને એથી વિષયસંગોના બીનઅનુભવી હોવા છતાંપણ તેઓ ય સર્વ રીતે ધર્મારાધનામાં અશંકનીય હોય છે તથા સુંદર પ્રકારે પ્રવ્રજ્યાનું પાલન કરનારા હોય છે.
મુક્તભોગી કરતાં અભુક્તભોગી સારા આ પ્રમાણે બંનેની અશંકનીયતા દર્શાવ્યા બાદ, શ્રી હરિભદ્રસૂરીશ્વરજી મહારાજા, આગળ વધીને એમ પણ પૂરવાર કરે છે કે, “વિષયસંગોના અનુભવપૂર્વક યોવનને લંઘી ચૂકેલાઓને અશુભ
ધર્મવ્યવહારની આડે આવે તે બધા પાપવ્યવહારો...૯
