________________
•
વિચાર ત્યાં હતો. ‘મારી ફરજ બને તો પતિની પાછળ દીક્ષા લેવાની. જો તે ન બને તો પતિના કાર્યમાં સહમત રહી અનુમોદના કરવાની અને શક્તિ મુજબ સન્માર્ગ આરાધવાની આ ખ્યાલ હોવા જોઈએ. પતિ ઉઘે માર્ગે જતો હોય તો માલિકના ભલા માટે તેને રોકવાનો પ્રયાસ કરવો તે ધર્મપત્નીની ફરજ છે. પતિ જ્યાં ત્યાં રખડવા જતો હોય, આચારભ્રષ્ટ બનતો હોય અગર બીજા પાપમાર્ગે જતો હોય, તો તેમાં આડે આવવાની અને પતિને તેવા રસ્તે જતો બંધ કરવા માટે બીજા યોગ્ય ઉપાયો યોજવાની પણ પત્નીને છૂટ છે. સાચી પત્ની પતિને ઉન્માર્ગે જતાં અનેક ઉપાયો યોજીને જરૂર રોકી શકે છે અને સન્માર્ગે દોરી શકે છે. આર્યપત્નીની ભાવના હદયમાં આવી જાય તો હક્કની
| મારામારી રહે જ નહિ સભા: ત્યાં પતિ ભક્તિમાં ખામી ન ગણાય ?
પૂજ્યશ્રી : શક્ય છતાં યોગ્ય ઉપાયોથી પતિને ઉન્માર્ગથી સન્માર્ગમાં ન લાવે, તો પતિભક્તિમાં ખામી ગણાય. પત્ની પતિને માલિક માને, પોતાને પતિની સેવિકા માને. હવે વિચારો કે સેવિકા તરીકે તેનો ધર્મ શો? પતિનું ભલું થાય તેવું બધું જ કરવામાં સાથ દેવો, પ્રેરણા કરવી અને પતિનું ભૂંડુ થાય તેવી પ્રવૃત્તિમાં તેનો સાથ ન હોય, તેની પ્રેરણા ન હોય, પણ શક્ય હોય તેટલું કરીને તે પતિને ઉન્માર્ગથી વાળે અને સન્માર્ગે યોજે. પતિનું જેમાં કલ્યાણ તેમાં પત્નીની ખુશી. પતિ કલ્યાણ સાથે તેમાં જે પત્ની આડે આવે, તે પોતાની ફરજ ચૂકે છે અને તેમાંય જે પત્ની કેવળ પૌદ્ગલિક અંગત સ્વાર્થ ખાતર પતિને કલ્યાણ સાધવામાં વિઘ્ન કરે છે તે તો અધમ કોટીની જ ગણાય. પત્ની તો સઘ પતિનું કલ્યાણ જ ચાહનારી લેવી જોઈએ અને સાચી આર્યપત્નીઓ તો પોતાના, સુખના ભોગે પણ પતિનું કલ્યાણ સધાતું હોય તો તેમાં મદદ કરનારી હોય. આર્યપત્નીની ફરજ સમજાય, આર્યપત્નીની ભાવના હૃદયમાં આવી જાય, તો આજની હક્કી હાનિકર મારામારી રહેવા પામે નહિ.
ધર્મવ્યવહારની આડે આવે તે બધા પાપવ્યવહારો...૯
