________________
....લંકા વિજય.... ભાગ-૪
સભા : એવા પ્રસંગે મુનિ આશ્વાસન ન આપે ?
પૂજ્યશ્રી : આપી શકે, પણ તે જુદું અને આજ્ઞા કેટલાક જેવા આશ્વાસનની આશા રાખે છે તે જુદું. મુનિ તો મરનારના મરણની વાતમાં તમારા મરણની વાત પણ કહે. વૈરાગ્યનો ઝરો વહેવડાવે, સંસારની અનિત્યતા સમજાવે, મોહનું ભૂંડાપણું બતાવે, મમતા મૂકી આત્મક્લ્યાણમાં ઉદ્યત બનવાનું ઉપદેશે. ‘મરનાર તો મર્યો પણ હજુ તમે જીવો છો તેટલામાં આરાધી લ્યો' - એવું ઘણું ઘણું મુનિ કહે. મુનિ તો એવું આશ્વાસન આપે કે સામાના શોકને ભૂલાવી દે અને તેના આત્માને જાગૃત કરી દે.
અહીં શ્રી અપ્રમેયબલ નામના કેવળજ્ઞાની મુનિવરે એવી તો ધર્મદેશના આપી કે ઇન્દ્રજિત અને મેઘવાહન પરમ વૈરાગ્યને પામ્યા. મુનિઓ પાસે જાવ અને વૈરાગ્ય ન થાય તો દુ:ખ થવું જોઈએ. દેવ પાસે અને ગુરુપાસે જવાનો હેતુ શો ? દેવ પાસે કે ગુરુપાસે તમારા સંસારને લીલોછમ બનાવવાની ભાવનાએ ન જાવ, પણ તમારા સંસારને સૂકવી નાંખી તેનાથી મુક્ત થઈ જવાની ભાવનાએ જાવ. દેવ પાસે અને ગુરુ પાસે વૈરાગ્ય પામવા માટે અને તેને ખીલવવા માટે જવાનું હોય. દેવની પાસે જાવ, ગુરુની પાસે પણ જાવ અને તે છતાંય જો વૈરાગ્ય ન આવે, તો તમને તેની ચિંતા થવી જોઈએ. વૈરાગ્યનાં આ પ્રેરક સાધનો છે. કેવળજ્ઞાની મુનિવરની ધર્મદેશના સાંભળી ઇન્દ્રજ્ડિ અને મેઘવાહન પરમવૈરાગ્યને પામ્યા, તે આશ્ચર્યકારક નથી પણ સ્વાભાવિક છે. શ્રી જૈનદર્શનના રહસ્યને પામેલા મુનિવર ધર્મદેશક હોય અને શ્રોતા જો લઘુકર્મી હોય, તો સમજી લેવું કે વૈરાગ્યભાવના ઉત્પન્ન થયા વિના રહે નહિ.
પરમવૈરાગ્યને પામેલા ઇન્દ્રન્તેિ અને મેઘવાહને મુનિવરની દેશના પૂરી થઈ એટલે પોતાના પૂર્વભવ પૂછ્યા. પોતે અહી કઈ કાર્યવાહીના યોગે આવ્યા, એ વાત તેમણે તે જ્ઞાની મુનિવરને પૂછી.
