________________
લંત વિજય.... ભ૮૮-૪
કંઈ ગણું સત્વ પાપથી બચવા જોઈએ છે. પાપથી બચવા માટે, નિષ્પાપ જીવન જીવવા માટે, મન વચન અને કાયા ઉપર જે સંયમ કેળવવો પડે છે, તે સંયમ પાપરસિકોને કેળવવો પડતો નથી. જો કે એ વાત ચોક્કસ છે કે પાપરસિકોને પણ કેટલાંક પાપો કરવાને માટે અમુક જાતની વીરતા અને અમુક પ્રકારનો માનસિક, વાચિક તથા કાયિક સંયમ પણ કેળવવો જ પડે છે. પરંતુ પાપરહિત જીવન જીવનારને જ તેનાથી ય વધુ વીરતા અને તેનાથી ય વધુ માનસિક, વાચિક અને કાયિક પણ સંયમ કેળવવાની જરૂર પડે છે.
વળી પાપરસિકની વીરતા અને પાપરસિકનો સંયમ તેના છે પોતા માટે તેમજ જગતના જીવો માટે પણ એકાંતે શ્રાપરૂપ નીવડે છે.
જ્યારે પાપભીરની વીરતા અને પાપભીરનો સંયમ, તેના તેમજ બીજા સૌના માટે ય આશીર્વાદરૂપ બને છે. તમારે કેવા બનવું છે? શ્રાપરૂપ કે આશીર્વાદરૂપ ? તમારી જાતને માટે અને દુનિયાના બીજા જીવોને માટે તમારે શ્રાપરૂપ જ બનવું હોય તો તમે જાણો. પણ જો તમારામાં સ્વપરની કાંઈકે ય કલ્યાણભાવના હોય, તમારે પોતાને માટે અને જગતના પ્રાણીમાત્રને માટે જો તમારે સાચા આશીર્વાદરૂપ જ બનવું હોય, તો તમારે પાપભીરતા ગુણને, જીવનમાં સુંદરમાં સુંદર રીતે કેળવી જ લેવો જોઈએ.
જ્ઞાનીઓએ ફરમાવ્યા મુજબના
પરિણામને વિચારો વિચાર તો કરી જુઓ કે, પાપ કર્યા વિના જીવન ગાળવું એ મુક્ત છે ? કે જીવનને પાપમય દશામાં ગાળવું એ મુક્ત છે ? પાપ કરવું એ સહેલું કે પાપથી બચવું એ સહેલું ? ગમે તે રીતે કોઈનું પડાવી લેવા કરતાં, ભૂખ્યા મરવું, પણ અન્યાયથી કોઈનું ય કાંઈ લેવું નહિ એ વધારે મુશ્કેલ છે. નિષ્પાપ જીવન જીવવું હોય તો, ઇન્દ્રિયો ઉપર કાબુ રાખવો પડે. મન-વચન-કાયા ઉપર સંયમ કેળવવો પડે અને ભૂખ
