________________
2
૧૫૦
લંકા વિજય.... ભાગ-૪
જ છે. કર્મનું બંધન છૂટે તો જ, મરણ પછી જન્મ ન થાય અને જન્મ ન થાય તો જ સર્વ દુ:ખનો અંત આવે તથા સર્વ સુખની પ્રાપ્તિ થાય. આથી ચોક્ક્સ છે કે, કર્મથી છૂટવું અને કર્મથી છૂટવાના યોગે જન્મથી મૂકાવું, એ જ સાચા સુખનો માર્ગ છે.
સંસારથી છોડાવે તે જ સાચો ધર્મ
શ્રી જૈનદર્શન એટલે કર્મનો સંબંધ છોડવાનો માર્ગ દર્શાવનારું દર્શન. આ સંસારચક્રથી મૂકાવનારું દર્શન, તે જૈનદર્શન. સંસારના સંબંધને મજબૂત કરે તે, સાચો ધર્મ નહિ. સાચો ધર્મ તે જ કે જે સંસારના સંબંધને નામશેષ કરવાનો માર્ગ દર્શાવે. શ્રી જૈનદર્શનનું કામ જ એ છે. વિવેકપૂર્ણ વિચારણા કરતાં સંસારના સંબંધને તોડવાની જેનામાં ઇચ્છા ઉદ્ભવે નહિ તે જૈન નહિ. સંસારના સંબંધને તોડવાનો ઉપદેશ ન આપે એ સાચો ઉપદેશક નહિ અને સંસારનો સંબંધ મજબૂત બને તેવો ઉપદેશ આપે, તે જૈન સાધુ નહિ પણ વેષધારી. એ તો ભગવાનના શાસનના નામે પેટ ભરનારો અને તરવાના સાધનના નામે ય પોતે ડૂબનારો તથા બીજાને ડૂબાવનારો. શ્રી જૈનદર્શનનો સાધુ જો ઉપદેશ આપે, તો સંસારના સંબંધને તોડવાનો ઉપદેશ આપે, કારણ કે એ વિના વાસ્તવિક કલ્યાણ નથી. એમ અનંતજ્ઞાનીઓ ભારપૂર્વક ફરમાવી ગયા છે.
શ્રી જિનેશ્વરદેવો પરિણામદર્શી હતા
અનંત ઉપકારી અનંતજ્ઞાની શ્રી જિનેશ્વરદેવો શું ઇર્ષ્યાળુ હતા ? નહિ જ. તે તારકોને તમે સંસારની સાહાબી ભોગવો, અમન-ચમન ઉડાવો, મોજ કરો એની શું ઇર્ષ્યા હતી ? નહિ જ. એ તારકો તો પરમ વીતરાગી હતા. ત્રણેય કાળના સ્વરૂપના જ્ઞાતા હતા. છતાં પણ આ સંસારથી મૂકાવાનો માર્ગ એ તારકોએ ઉપદેશ્યો. કારણકે એ સિવાય બીજો કોઈ કલ્યાણમાર્ગ હતો નહિ અને છે પણ નહિ. એ તારકો જાણતા હતા કે આ સંસારની સાહાબીમાં મૂંઝાએલા આત્માઓ, તેના
