________________
૨૪
સાત-અાહરણ.....ભ૮-૩
પ્રશંસાપાત્ર નથી જ. આવું શીલ પાળનાર મહાસતીઓ, તેઓ સ્ત્રીઓ હોવા છતાં પણ ધારે તો પ્રભુશાસનની આરાધના અનુપમ પ્રકારે કરી શકે છે.
શ્રીમતી સીતાદેવીને જોઈને શ્રી
હનુમાન શું વિચારે છે ? શ્રીમતી સીતાદેવીને શ્રી હનુમાને આ દશામાં જોયાં. જોતાંની સાથે જ શ્રી હનુમાનને થયું કે, “અહો, શ્રીમતી સીતા એ ખરેખર મહાસતી છે. આ સતીના દર્શન માત્રથી લોકે પવિત્ર થાય તેમ છે. ખરેખર, આમના વિરહથી શ્રી રામચંદ્રજીને જે ખેદ થાય છે, આમતો વિરહ શ્રી રામચંદ્રજી જેવાને પણ જે એટલો બધો સતાવે છે. તે સ્થાને જ છે. વ્યાજબી જ છે કારણ કે તેમની પત્ની આવી રૂપવતી છે, શીલવતી અને પવિત્ર છે ! આ રાંક શ્રી રાવણ હવે બે ય રીતે પડવાનો જ છે. એક તો શ્રી રામચંદ્રજીના પ્રતાપથી અને બીજું પોતાના ભયંકર પાપથી !”
આ રીતે ધર્મવિરોધીઓ પણ બેય રીતે પામર બને છે. ધર્મના પ્રતાપ પાસે તેઓ પામર છે જ અને ધર્મ વિરોધના ભયંકર પાપથી છે તેઓ પોતાની વધુ પામરતાને આમંત્રી રહી છે ! ધર્મરૂપ સૂર્ય સામે
ધૂળ ઉડાડી, તેઓ ધૂળને પોતાના ઉપર જ પાડે છે. કદાચ પૂર્વના પુણ્યોદયે આ લોકમાં તેઓ મહાલે, તો ય એમનું પાપ એમને છોડવાનું નથી. કાલસોકરિક કસાઈએ પાંચસો પાડાનો વધ બંધ રાખવાની હિતારી વાત ન માની, તો અંતે તે ધાતુવિપર્યય રોગને આધીન આ લોકમાં જ થયો અને મરીને સાતમી નરકે ગયો. સામાન્ય પાપ કરનારે પણ ચેતવું જોઈએ, તો ધર્મવિરોધ જેવું ભયંકર પાપ આચરનારાઓએ શું ચેતવા જેવું નથી ? છે જ. એ કારણે જે ચેતશે તે બચશે, નહિતર જેવી જેની ભવિતવ્યતા.
શ્રી હનુમાને શ્રીમતી સીતાજીના
ખોળામાં ફેકેલી મુદ્રિકા શ્રી હનુમાને શ્રીમતી સીતાદેવીને કઈ દિશામાં જોયા ? અને
