________________
એ ત્રણ કુમારિકાઓએ પોતાનો વૃત્તાંત જણાવ્યો એટલે શ્રી હનુમાનજીએ ક્યું કે, "સાહસગતિનો વધ શ્રી રામચંદ્રજીએ કર્યો છે.” એમ કહીને શ્રી હનુમાને, શ્રી રામચંદ્રજીના જ કાર્યાર્થે પોતે લંકા જાય છે. એ વગેરે વૃત્તાંત પણ પહેલેથી કહી સંભળાવ્યો. આથી આનંદ પામેલી તે ત્રણ કન્યાઓ પોતાના પિતા ગંધર્વરાજ્ની પાસે ગઈ તેમને પણ સઘળો વૃત્તાંત કહી સંભળાવ્યો અને તે ત્રણે કુમારિકાઓ અને સૈન્યની સાથે ગંધર્વરાજ પણ શ્રી રામચંદ્રજીની પાસે ગયા.
જુઓ કે પુણ્યબળે કઈ રીતે શ્રી રામચંદ્રજીને બધા રાજાઓની સહાયતા આવી મળે છે. આ પછી ત્યાંથી આકાશમાર્ગે પ્રયાણ કરીને, શ્રી હનુમાન લંકાનગરીની પાસે આવી પહોંચ્યા. લંકામાં પેસતા આશાલિકા વિદ્યાદેવીનો ભેટો આપણે એ તો જોઈ ગયા છીએ કે શ્રી રાવણના નાનાભાઈ બિભિષણે પહેલેથી જ લંકાપુરીને ફરતી એના રક્ષણની બનતી તમામ પેરવી કરી દીધી છે. શ્રીમતી સીતાદેવીના યોગે શ્રી રામચંદ્રજી દ્વારા પોતાના કુળનો ક્ષય થવાનો છે, એમ જ્ઞાનીના વચનથી જાણવા છતાં પણ શ્રી બિભિષણે પુરુષાધીન સઘળું કરવાનો પ્રયત્ન કર્યો છે, લંકાપુરીમાં કોઈ પેસી જ ન શકે એ માટે આશાલિકા નામની વિદ્યાદેવીને કીલ્લો બનાવી રોકવામાં આવી છે. કે જે કાળરાત્રિ જેવી ભયંકર છે. કોઈને લંકામાં જ્વા નહિ દેવો એ એનું કામ. જે પેસવા જાય તેને મોં ફાડીને ખાઈ જાય. શ્રી હનુમાનને લંકાની નજદિક આવી પહોંચતાની સાથે જ સૌથી પહેલો ભેટો એ આશાલિકા નામની વિદ્યાદેવીનો થાય છે.
શ્રી હનુમાનને જોતાંની સાથે જ એ આશાલિકા કહે છે કે, “ હે વાનર ! તું ક્યાં જાય છે ? તું તો મારા ભોજનને માટે જ આવી ચઢ્યો છે. આમ આક્ષેપથી કહીને તે આશાલિકા નામની વિદ્યાદેવીએ પોતાનું મોં ાડ્યું. શ્રી હનુમાને જોયું કે, તેના મોંમાં પેઠા સિવાય લંકામાં જ્વાય તેમ છે નહિ. એટલે ગદાધારી શ્રી હનુમાન તેના મોમાં પેઠા અને વિદ્યાદેવી પોતાનું કાંઈ ધાર્યું કરી શકે, તેના મોઢામાં પેઠેલા તે
૩૦૫
શ્રી હનુમાન દેવરમણ ઉધાનમાં...૧૨
